fbpx

بہادرآباد میں 16منزلہ عمارت کی تعمیر ، سپریم کورٹ کا بلڈر کو نوٹس

سپریم کورٹ نے بہادرآباد میں سولہ منزلہ عمارت کی تعمیر پر بلڈر کو نوٹس کی تعمیل کرانے کا حکم دے دیا اور سعیدغنی کو طلب کرلیا۔

تفصیلات کے مطابق نسلہ ٹاور کے بعد ایک اور 16منزلہ عمارت کی نشاندہی ہوئی ، سپریم کورٹ میں بہادرآباد میں سولہ منزلہ الباری ٹاور کی تعمیر کے خلاف درخواست دائر کردی گئی۔

وکیل درخواست گزار نے بتایا پارک کی زمین پر غیر قانونی عمارت بنائی گئی ، عدالتی نوٹس کےبعدبھی تعمیرات نہیں روکی گئیں ، جس پر چیف جسٹس نے استفسار کیا بلڈر کون ہے اس کا کون بنارہا ہے یہ ؟

عدالت نے ایس ایچ او نیو ٹاؤن کے ذریعے بلڈر کو نوٹس تعمیل کرانے کا حکم دے دیا ، دوران سماعت چیف جسٹس نے عمارت کی تصویر عدالت میں لہرائی۔

چیف جسٹس نے استفسار کیا یہ کیا ہورہا ہے بتائیں ، سعید غنی صاحب کہاں ہیں ؟ وہ کہتے ہیں ایسی عمارتیں بنیں گی ، بلائیں انہیں ، کہتے ہیں عہدہ چھوڑ دوں گا مگر گراؤں گا نہیں۔

چیف جسٹس نے ایڈووکیٹ جنرل سے مکالمے میں کہا کب چھوڑیں گے وہ عہدہ یہ توبتائیں ؟ سپریم کورٹ نے سعید غنی کو پیش ہونے کا حکم دے دیا۔

Facebook Notice for EU! You need to login to view and post FB Comments!