اوچ شریف باغی ٹی وی ( نامہ نگار حبیب خان) بہاولپورمیں ون یونٹ چوک کے قریب موبی لنک فرنچائز کے پاس واقع سیکیورٹی گارڈ آفس کے ملحقہ کمرے سے 55 سالہ شخص کی لاش برآمد ہوئی۔
ریسکیو ذرائع کے مطابق متوفی کی شناخت جان مسیح ولد خورشید مسیح کے نام سے ہوئی ہے، جن کا تعلق ضلع ساہیوال سے تھا۔ وہ طویل عرصے سے یہاں ملازمت کر رہے تھے۔
سیکیورٹی انچارج کا کہنا ہے کہ جان مسیح کا اپنے گھر والوں سے کوئی رابطہ نہیں تھا اور وہ اکیلے رہتے تھے۔ جب وہ صبح سے باہر نہیں آئے تو تشویش ہوئی، جس پر پولیس کی موجودگی میں کمرے کا دروازہ کھولا گیا۔ کمرے میں داخل ہونے پر انہیں مردہ پایا گیا۔
پولیس تھانہ بغداد الجدید نے لاش کو تحویل میں لے کر قانونی کارروائی شروع کر دی ہے۔ موت کی وجوہات جاننے کے لیے مزید تفتیش جاری ہے۔
