بجلی چوروں نا دہندگان کے ساتھ کیا ہونے والا ہے

0
86

میپکواتھارٹی کی طرف سے دیئے گئےریکوری اہداف کے حصول کیلئے تمام وسائل بروئے کار لائے جائیں۔ ایس ڈی اوز اور ایکسین مستقل نا دہندہ صارفین سے واجب الادا رقوم کی وصولی کیلئے بھرپور کوشش کریں.
واجبات بقایا جات کی عدم ادائیگی پر نا دہندگان کے کنکشنز بغیر کسی رعایت کے منقطہ کیئے جائیں۔ نا دہندگان سے واجبات وصولی میں ناکامی پر متعلقہ ایس ڈی اوز کے خلاف محکمانہ کاروئی عمل میں لا ئی جا ئے گی۔ ان خیالات کا اظہار میپکو آپریشن سرکل خانیوال محمد سعید نے میپکو ڈویژن میاں چنوں میں ایکسین اورا یس ڈی اوز کے ساتھاجلاس میں کیا۔ انہوں نے کہا کہ بجلی چوری روکنے میں افسران اپنا کردار ادا کریں۔ نائٹ چیکنگ کو یقینی بنایا جائے۔ بجلی چوروں کو نہ صرف بھاری جرمانے کیئے جائیں بلکہ ان کے خلاف ایف آئی آر بھی درج کروائی جائیں۔ لائن لاسسز کے اہداف کے حصول کیلئے بھی محنت کی جائے۔ انہوں نے کہا کہ خطرناک مقامات کی درستگی، بے ہنگم تاروں کی تبد یلی اور سسٹم کی بہتری کیلئے ایل ٹی پروپوزلز کو مکمل کیا جائے اور درختوں کی کٹائی کا عمل بروقت مکمل کیا جائے۔ انہوں نے مزید کہا کہ لائن سٹاف کسی بھی ٹرپنگ، شٹ ڈاؤن اور شکایات کو اپنی جان پر فوقیت نہ دیں اور بغیر سیفٹی آلات لائینوں پر ہرگز کا م نہ کریں۔ایکسین میپکو ڈویژن میاں چنوں قمر زمان نے ڈویژن کی کارگردگی بارے سپرنٹنڈنگ انجینئر خانیوال کو آگاہ کیا۔ اجلاس میں ڈپٹی ڈائریکٹر ٹیکنیکل مسعود احمد قریشی ، ڈپٹی کمرشل منیجر ارشاد خان سیال ، ایکسین میپکو ڈویژن میا نچنوں قمر زمان ، میپکو ڈویژن میا ں چنوں کے تما م سب ڈویژنل افسران اور ریونیو افسر نے شرکت کی۔
شعبہ تعلقات عا مہ میپکو سرکل خا نیوال

Leave a reply