’بجرنگی بھائی جان‘ میں مسلمان پاکستانی لڑکی کا کردار ادا کرنے والی اداکارہ اب کیسی دکھتی ہیں

بالی وڈ فلم ’بجرنگی بھائی جان‘ میں مسلمان پاکستانی لڑکی منی کا کردار ادا کرنے والی اداکارہ کو پانچ سال بعد پہچاننا مشکل ہوگیا۔

باغی ٹی وی :5 سال قبل 2015 میں ریلیز ہونے والی فلم ’بجرنگی بھائی جان‘ نے باکس آفس پر مقبولیت کے کئی ریکارڈز توڑ دئیے تھے۔ اس فلم میں سلمان خان نے مرکزی کردار ادا کیا تھا اورایک ننھی معصوم سی اداکارہ ہرشالی ملہوترا کو’منی‘ کے کردار میں متعارف کرایا گیا تھا۔

ہرشالی ملہوترا نے فلم میں ایک گونگی بہری لڑکی کا کردار ادا کیا تھا جو مسلمان اور پاکستانی ہوتی ہے اور بھارت میں اپنے والدین سے بچھڑ جاتی ہے۔ فلم میں سلمان خان بچی کو اس کے والدین سے ملوانے کے لیے مشکلات اور جد و جہد کا سامنا کرتے ہوئے پاکستان پہنچتے ہیں یہی اس فلم میں دکھایا گیا تھا۔

’بجرنگی بھائی جان‘ میں جہاں سلمان خان کی اداکاری کو سراہا گیا تھا وہیں ہرشالی ملہوترا کی معصومیت بھی لوگوں کو بہت پسند آئی تھی۔ جب ہرشالی ملہوترا نے فلم میں کام کیا تھا تو ہ صرف سات برس کی تھیں اور اب بارہ برس کی ہوچکی ہیں۔

حال ہی میں ہرشالی ملہوترا نے بھارتیوں کے ایک تہوار کے موقع پر اپنی تصاویر شیئر کیں جو سوشل میڈیا پر وائرل ہورہی ہیں۔جن میں وہ اس ’منی‘ سے بالکل مختلف نظر آرہی ہیں جو ہمیں ’بجرنگی بھائی جان‘ میں نظر آئی تھی مداح ہرشالی کی تصاویر دیکھ پر حیرانی کا اظہار کر رہے ہیں-

جواب چھوڑیں

آپ کا ای میل ایڈریس شائع نہیں کیا جائے گا.