fbpx

بلوچستان کی سرزمین بھی کشمیر بنے گا پاکستان کے نعروں سے گونج اٹھی

ملک بھر کی طرح بلوچستان کے علاقہ ڈیرہ بگٹی، سوئی، پیر کوہ، کوئٹہ میں بھی یکجہتی کشمیر ریلیاں نکالی گئیں

باغی ٹی وی کی رپورٹ کے مطابق وزیراعظم عمران خان کی اپیل پر بلوچستان کے مختلف علاقوں ڈیرہ بگٹی، سوئی ،پیر کوہ میں یکجہتی کشمیر ریلیاں نکالی گئی، جن میں ہزاروں افراد نے شرکت کی، ڈیرہ بگٹی میں نکالی جانے والے یکجہتی کشمیر ریلی میں قبائلی،سول سوسائٹی کےافراد بڑی تعداد میں شریک ہوئے

یکجہتی کشمیر ریلی میں اسکول کے بچوں اور پولیس کے جوانوں نے بھی شرکت کی، بلوچستان کی سرزمین کشمیر بنے گا پاکستان اور پاکستان زندہ باد کے نعروں سے گونج اٹھی

بلوچستان میں گوادر، قلعہ عبداللہ، چاغی میں مختلف مکاتب فکر کے افراد نے وادی میں بھارتی مظالم کیخلاف احتجاج کیا۔

 

کوئٹہ سرینا چوک پر کشمریوں سے اظہار یکجہتی ریلی نکالی گئی، وزیر اعلی جام کمال گورنر بلوچستان امان اللہ یاسین زئی، صوبائی وزراء اراکین اسمبلی اور شہریوں کی بڑی تعداد میں شرکت کی