سیکیورٹی فورسز نے بلوچستان میں مختلف مقامات پر دہشت گردوں کو مار بھگایا
آج دہشت گردوں نے بلوچستان میں مختلف جگہوں پر حملہ کرنے کی ناکام کوشش کی ،سیکیورٹی فورسز نے بروقت اور موثر کاروائی کر کے دہشت گردوں کے حملوں کو ناکام بنا دیا ، تربت میں سیکیورٹی فورسز نے موثر کاروائی میں پانچ دہشت گردوں کو جہنم واصل کر دیا ،دہشت گردوں نے دو خود کش بمباروں کے ذریعے تربت میں مختلف جگہوں پر کوآرڈینیٹڈ حملے کرنے کی کوشش کی گئی جو فوری ناکام بنا دی گئی ،کوسٹل ہائی وے پر بھی تین دہشت گردوں کو جہنم واصل کر دیا گیا ،کچلاک کے علاقے میں روڈ بلاک کی کوشش کرنے والے دو دہشت گردوں کو بھی جہنم واصل کر دیا گیا ،دہشت گردوں نے سبی کوئٹہ روڈ پر بسوں کو روکنے کی بھی کوشش کی جو ناکام بنا دی گئی اور دو دہشت گردوں کو جہنم واصل کر دیا گیا،اِسی طرح کوئٹہ تافتان روڈ پر بھی دہشت گردوں نے لک پاس کے قریب معصوم لوگوں کو نشانہ بنانے کی کوشش کی جو سیکیورٹی فورسز نے ناکام بنا دی اور دو بھاگتے دہشت گردوں کو جہنم واصل کر دیا
سیکیورٹی فورسز نے دہشت گردوں کے تمام بزدلانہ حملوں کو ناکام بنا کر کلیئرنیس آپریشن شروع کر دیا ہے جو آخری دہشت گرد کے خاتمے تک جاری رہے گا
سیکیورٹی فورسز کے آتے ہی دہشتگرد بھاگ گئے یہ رٹ نہیں، بزدلی ہے،قومی شاہراہ پر مسافروں کی تذلیل دہشتگردوں کی شکست کا ثبوت ہے،کوئٹہ کراچی قومی شاہراہ پر بسوں اور گاڑیوں کی لوٹ مار کرنے والے چند مسلح دہشتگرد جیسے ہی سیکیورٹی فورسز کی نفری پہنچی، دم دبا کر بھاگ گئے۔یہ واقعہ ثابت کرتا ہے کہ یہ رٹ نہیں بلکہ کھلی بزدلی ہے۔جو عناصر ریاست کے خلاف بیانیہ گھڑ کر خود کو "مزاحمت کار” یا "نوجوانوں کے نمائندے” ظاہر کرتے ہیں، وہ دراصل عوام کو ڈرا دھمکا کر، بندوق کے زور پر عورتوں اور بچوں کو یرغمال بنا کر چند منٹ کی کاروائی سے خوف پھیلانا چاہتے ہیں۔ مگر ان کی یہ کوششیں اب ناکام اور بے اثر ہو چکی ہیں۔دہشتگرد اب صرف خرچہ پانی اور لوٹ مار تک محدود ہو چکے ہیں۔نہ ان کے پاس کوئی نظریہ بچا ہے، نہ عوامی حمایت، نہ کوئی ساکھ۔یہ اب صرف بدحواس گروہ ہیں، جو اپنی موجودگی کا احساس دلانے کے لیے سڑکوں پر نمودار ہوتے ہیں اور ایف سی یا لیویز کے آتے ہی فرار ہو جاتے ہیں۔
بلوچستان: بزدل دہشتگرد عورتوں، بچوں اور بے گناہ مسافروں کو نشانہ بنانے والے انسان نہیں درندے ہیں، کوئٹہ کراچی قومی شاہراہ پر پیش آنے والا حالیہ واقعہ ایک بار پھر یہ ثابت کرتا ہے کہ دہشتگردوں کی بزدلی اور پستی کی کوئی حد نہیں۔چند مسلح افراد نے شاہراہ پر ناکہ بندی کر کے عام شہریوں، عورتوں، بچوں اور بزرگوں کو اس وقت نشانہ بنایا جب وہ ماہِ رمضان کے بابرکت مہینے میں عید کی تیاری کے لیے سفر کر رہے تھے۔ان عناصر کا مقصد صرف ایک ہے: عید کے موقع پر ‘خرچہ پانی’ جمع کرنا، لوگوں کو لوٹنا اور خوف و دہشت پھیلانا۔یہ وہی دہشتگرد ہیں جو کسی اخلاق، مذہب، رحم یا تہذیب کو نہیں مانتے۔ماہ رمضان جیسا مقدس مہینہ بھی ان کے ضمیر کو نہیں جھنجھوڑتا۔یہ صرف مسلح بدمعاش ہیں، جنہیں عوام، ریاست یا دین سے کوئی سروکار نہیں صرف مفاد، لوٹ مار اور خون۔ایسے بزدل حملہ آور کسی رعایت کے مستحق نہیں۔ریاست کو چاہیے کہ ان عناصر کے خلاف فوری اور فیصلہ کن کارروائی کرے، تاکہ عوام میں اعتماد بحال ہو اور دہشتگردی کا نیٹ ورک جڑ سے ختم ہو۔یہ جنگ صرف گولی کی نہیں، بیانیے کی بھی ہے اور اب عوام جان چکے ہیں کہ کون ان کے ساتھ ہے اور کون ان کے خلاف۔
