بلوچستان بلدیاتی انتخابات،خواتین کا ٹرن آؤٹ مثبت،عوام نے شرپسند عناصر کو مسترد کر دیا
بلوچستان میں نو سال کے بعد بلدیاتی انتخابات کا انعقاد ہوا۔
بلوچستان کے 34 میں سے 32 اضلاع میں منعقد ہونے والے ان انتخابات میں 17000 ہزار سے زاید امیدواروں نے بھرپور حصہ لیا۔ ضلع کویٹہ اور لسبیلہ میں حلقہ بندیاں مکمل نا ہونے کی وجہ سے الیکشن نہیں ہوئے۔ پرامن انتخابی مہم اور الیکشن پراسس میں ووٹرزکی بھرپور شرکت بلوچستان کے عوام کا سکیورٹی کی صورتحال اور جمہوری عمل پر بھرپور اعتماد ظاہر کرتے ہیں۔ صوبے بھر میں تاریخی ووٹرز ٹرن آوٹ دیکھا جا رہا ہے۔ ابتدایی تخمینے کے مطابق ساوتھ بلوچستان کے اضلاع (کیچ، پنجگور، واشوک اور خاران) میں ووٹر ٹرن آوٹ 50 سے 55 فیصد کے درمیان رہا- جنوبی بلوچستان کے اضلاع اور ضلع گوادر میں نسبتا زیادہ ٹرن آوٹ کی توقع کی جا رہی ہے۔
بلوچستان کے بلدیاتی انتخابات میں 132 خواتین جنرل نشتوں پر براہ راست انتخابی عمل میں حصہ لے رہی ہیں۔ انتخابات میں خواتین کا اتنی بڑی تعداد میں مخصوص کی بجائے جنرل نشستوں پر انتخابی میدان میں اترنا بھی ایک حوصلہ افزاء عمل ہے۔ نہ صرف خواتین نے انتخابی عمل میں بطور امیدوار شرکت خاطر خواہ رہی بلکہ خواتین ووٹرز کا ٹرن آوٹ بھی کافی مثبت رہا۔ نوجوانوں کی ایک بڑی تعداد نے بھی الیکٹورل پراسس میں بھرپور شرکت کی۔ یہ سب ریاست کے زیر اہتمام انتخابی عمل پر بھرپور اعتماد کا مظہر ہے۔
شر پسند عناصر نے چند ایک مقامات پر انتخابی عمل کو روکنے کی ناکام کوششیں کیں تاہم عوام نے انہیں مسترد کرتے ہوئے انتخابی عمل میں بڑھ چڑھ کر حصہ لیا اور چند مفاد پرست عناصر کے دباو میں آنے کے بجائے اپنا ووٹ کاسٹ کرنے کا آئینی و قانونی حق کا بھرپور استعمال کیا۔ شر پسند عناصر کی دھمکیوں کے باوجود اتنی بڑی تعداد میں لوگوں کی انتخابی عمل میں بھرپور شرکت ظاہر کرتی ہے کہ بلوچستان کی اکثریت نے ان شرپسند عناصر کے مذموم مقاصد کو پہچانتے ہوۓ انہیں مسترد کر دیا ہے۔ یہاں یہ امر بھی قابل ذکر ہے کہ گرمی کی موجودہ لہر اور سفری سہولیات کی کمی بھی عوام کی انتخابی عمل میں بھرپور شرکت کو متاثر نہیں کر سکی۔ پاک فوج، ایف سی بلوچستان اور دیگر لا انفورسمنٹ ایجنسیز کے بہترین انتظامات کی بدولت مجموعی طور پر الیکشن پرامن رہے۔ لوگوں نے الیکشن کے لیے پر امن ماحول مہیا کرنے میں سکیورٹی ایجنسیز کے کردار کو سراہا ہے۔
دوسری جانب ترجمان حکومت بلوچستان کا کہنا ہے کہ بلوچستان میں بلدیاتی انتخابات بخیر و عافیت اختتام پذیر ہوے ، میں بلوچستان کی عوام کو مبارکباد پیش کرتی ہوں ، آج بلوچستان کی عوام کا جوش و جذبہ قابلِ دید رہا ، ملک دشمن عناصرجو بلوچستان کے امن کو سبوتاژ کرنا چاہتے تھے اتنی بڑی تعداد میں عوام کی شرکت نے انہیں منہ توڑ جواب دیے دیا کہ بلوچستان کے امن کو کویی بھی سبوتاژ نہیں کر سکتا ۔۔ اور بلوچستان کے امن کو کوئی سبوتاژ نہیں کر سکتا ۔اور بلوچستان کی تعمیر و ترقی اسی طرح جاری رہے گی ۔ میں حکومت بلوچستان کو اور تمام قانون نافذ کرنے والے اداروں کو مبارکباد پیش کرتی ہوں ۔
خواجہ سراؤں کا چار رکنی گروہ گھناؤنا کام کرتے ہوئے گرفتار
چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی
ماموں کی بیٹی کے ساتھ گھناؤنا کام کرنیوالا گرفتار
پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار
زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار
حکومت کیخلاف بولنے والے صحافیوں کی تھانے میں برہنہ پریڈ،تصویر وائرل
