وزیر اعظم نے بلوچستان کے لیے سب سے بڑا اعلان کر دیا

0
30

وزیر اعظم نے بلوچستان کے لیے سب سے بڑا اعلان کر دیا

باغی ٹی وی : وزیراعظم نے کہا ہے کہ تعلیم کے میدان میں ہم آج پیچھے رہ گئے ہیں، کوشش ہے پیچھے رہ جانے والے علاقوں پر توجہ دیں، بلوچستان پر سب سے زیادہ فنڈنگ کر رہے ہیں۔

تربت میں ترقیاتی و سماجی منصوبوں کا سنگ بنیاد رکھنے کی تقریب سے خطاب کرتے ہوئے وزیراعظم عمران خان کا کہنا تھا پورا پاکستان دیکھا مگر تربت جیسے شہر میں پہلی بار آیا، جہاز سے تربت دیکھا، ایک تاریخی اور خوبصورت شہر ہے، تعلیم کے بغیر کسی معاشرے نے ترقی نہیں کی، تربت یونیورسٹی میں پہلی بار آیا ہوں، نوجوان پاکستان کا مستقبل ہیں، علم ہمیں دیگر مخلوقات سے نمایاں کرتا ہے۔

اس سے قبل ان کی آمد پر گورنر امان اللہ یاسین زئی اور وزیراعلیٰ جام کمال نے وزیراعظم کا استقبال کیا، دورے کے دوران وزیر اعظم جنوبی بلوچستان کے لیے ترقیاتی پیکج کا اعلان کریں گے اور تربت میں ترقیاتی اور سماجی بہبود کے منصوبوں کا سنگ بنیاد بھی رکھیں گے۔

وزیر اعظم عمران خان گورنر بلوچستان اور وزیر اعلیٰ جام کمال کے علاوہ قبائلی عمائدین سے ملاقات بھی کریں گے۔ذرائع کے مطابق وفاقی وزیر اسدعمر، مرادسعید، شبلی فراز وزیر اعظم کے ہمراہ ہیں۔

وزیر اعظم صوبائی ممبران اسمبلی اور پارٹی رہنماوں سے ملاقات کریں گے اور انھیں صوبہ میں سیکورٹی صورتحال پر بریفنگ دی جائے گی۔

Leave a reply