بلوچستان کے سابق صوبائی وزیر داخلہ میر سرفراز بگٹی گرفتار

0
35

بلوچستان کے سابق صوبائی وزیر داخلہ میر سرفراز بگٹی گرفتار
باغی ٹی وی کی رپورٹ کے مطابق بلوچستان کے سابق صوبائی وزیر داخلہ میر سرفراز بگٹی کی عبوری ضمانت منسوخ کر دی گئی، سیشن کورٹ نے میر سرفراز بگٹی کو فوری گرفتار کرنے کا حکم دے دیا.

پولیس نے سرفراز بگٹی کو حراست میں لے کر تھانہ بجلی روڈ منتقل کر دیا ۔بچی اغواء کیس میں سرفراز بگٹی ایڈیشنل سیشن جج کی عدالت پہنچے اور درخواست ضمانت دی ، عدالت کی جانب سے درخواست ضمانت مسترد کردی گئی

سرفراز بگٹی کے وکیل کا کہنا ہے کہ ہم عدالت کے فیصلے کے خلاف ہائیکورٹ سے رجوع کریں گے.

سرفراز بگٹی کے خلاف ایک ماہ قبل بچی کے اغوا کا مقدمہ درج کیا گیا تھا،سنیٹر میر سرفراز بگٹی کو حاجی توکلی بگٹی اور سسرال کے درمیان بیٹی کی جانشینی کے کیس میں حاجی توکلی بگٹی کا ساتھ دینے پر ان کے سسرال نے ایف آئی آر میں نامزد کیا تھا .

مدعی کا دعوی ہے کہ حاجی توکلی بگٹی نے انکی بھانجی کو اغوا کرلیا ہے جبکہ حاجی توکلی بگٹی نے اپنے ویڈیو پیغام میں ان دعوں کی تردید کی کہ عدالت نے انھیں اپنی بیٹی ساتھ لے جانے کی اجازت دی ہے ویڈیو میں بچی بھی خوش خرم اپنے باپ کے ساتھ کھیلتی ہوئی نظر آتی ہے

Leave a reply