بلوچستان کی نئی نسل کو تکنیکی صلاحیتوں پر توجہ مرکوز کرنی چاہئے ، گورنر بلوچستان

0
28

کوئٹہ: گورنر بلوچستان امان اللہ خان یاسین زئی نے کہا ہے کہ صوبہ بلوچستان نہ صرف اپنے محل وقوع کے اعتبار سے خصوصی اہمیت کا حامل ہے بلکہ یہاں کے باشندے بھی نہایت ملنسار اور باصلاحیت ہیں. گورنر یاسین زئی نے کہا کہ شاندار میگاپراجیکٹ چائنا پاکستان اقتصادی راہداری کے پیش نظر ہمیں صوبے میں فنی وتیکنیکی اداروں کی فعالیت اور اپنی نئی نسل کو جدید مہارتیں سکھانے پر بھرپور توجہ مرکوز رکھنی ہوگی. ان خیالات کا اظہار انہوں نے بدھ کے روز گورنرہاوس کوئٹہ میں وزیراعظم آفیس بورڈ آف اینویسٹمنٹ اسلام آباد کے ایکٹنگ سیکرٹری مکرم جاہ کی قیادت میں وفد سے بات چیت کرتے ہوئے کیا. اس موقع پر گورنر بلوچستان نے کہا کہ صوبے کے بہترین محل وقوع اور قیمتی وسائل و معدنیات ہی ہمارے روشن مستقبل کیلئے موثر اور معتبر وسیلہ ہے. یہاں سرمایہ کاری کے وسیع مواقع موجود ہیں لہٰذا ضروری ہے کہ قومی اور بین الاقوامی سرمایہ کار ان دستیاب مواقعوں سے بھرپور استفادہ کریں. انہوں نے کہا کہ نوجوانوں کو جدید مہارتیں سکھانے، نت نئی ٹیکنالوجی سے واقفیت پیدا کرنے اور فنی و تیکنیکی اداروں کے تربیتی مراکز قائم کرنےمیں وفاقی حکومت ہماری بھرپور مدد کر سکتی ہے. گورنریاسین زئی نے کہا کہ بلوچستان کی تمام سرکاری یونیورسٹیوں میں اعلیٰ پایہ کے ماہرین ومحقیقین موجود ہیں. ضرورت اس امر کی ہے کہ اُنکے علم وتجربے سے بھرپور استفادہ کریں تاکہ وہ ملک و صوبے کی ترقی اور خوشحالی میں بڑھ چڑھ کر حصہ لیں.

Leave a reply