بنگلہ دیش نے پاکستان کے ساتھ دوسرا ٹیسٹ میچ کھیلنے سے انکار کردیا ،

0
33

ڈھاکا: بنگلہ دیش نے پاکستان کے ساتھ دوسرا ٹیسٹ میچ کھیلنے سے انکار کردیا،اطلاعات کے مطابق بنگلادیش کرکٹ ٹیم کے کھلاڑیوں نے پاکستان میں ڈے اینڈ نائٹ ٹیسٹ کھیلنے سے صاف انکار کردیا۔

 

 

 

باغی ٹی وی کے مطابق پاکستان کو بنگلہ دیش کی طرف سے مثبت رویے کی امید تھی تاہم انکارکے بعد پاکستان نے اقرارکرنا ہی بہترجانتے ہوئے بنگلہ دیش کے اصرار پراکتفا کرلیا ہے پاکستان کرکٹ بورڈ کے مطابق پاکستان اور بنگلادیش کے درمیان سیریز کا دوسرا ٹیسٹ پاکستان سپر لیگ کے بعد اپریل میں کراچی کے نیشنل اسٹیڈیم میں شیڈول ہے۔

ذرائع کے مطابق پاکستان نے بنگلہ دیش سے ٹیسٹ کرکٹ میں شائقین کی دلچسپی کو مدنظر رکھتے ہوئے دوسرا ٹیسٹ ڈے اینڈ نائٹ کھیلنے کی تجویز پیش کی تھی جس پر پی سی بی کو بنگلادیش کے ردعمل کا انتظار تھا۔لیکن دوسری طرف بنگلادیش کرکٹ بورڈ کے چیف ایگزیکٹو نظام الدین چوہدری نے کرکٹ ویب سائٹ سے بات کرتے ہوئے کھلاڑیوں کے خدشات سے آگاہ کیا۔

بنگلادیش کرکٹ بورڈ کے چیف ایگزیکٹو نظام الدین چوہدری نے کہا کہ ڈے اینڈ نائٹ ٹیسٹ کے حوالے سے ٹیم مینجمنٹ سے بات چیت کی تو وہ پنک بال سے کھیلنے کے لیے رضامند نہیں ہوئے کیونکہ ڈے اینڈ نائٹ ٹیسٹ کے حوالے سے ٹیم کی تیاری نہیں ہے۔

بنگلادیش کرکٹ بورڈ کے چیف ایگزیکٹو نظام الدین چوہدری نے بتایا کہ ٹیم مینجمنٹ کے نکتہ نظر اور خیالات کو سمجھتے ہوئے یہ فیصلہ ہوا کہ پاکستان میں ڈے اینڈ نائٹ ٹیسٹ میچ نہیں کھیلیں گے۔

Leave a reply