بنگلا دیش نے پاکستان میں ٹیسٹ سیریز کھیلنے سے انکار کردیا

0
33

ڈھاکہ :بنگلا دیش کرکٹ بورڈ (بی سی بی) نے پاکستان میں ٹیسٹ سیریز کھیلنے سے انکار کردیا۔اطلاعات کےمطابق بنگلہ دیش کرکٹ بورڈ نے پاکستان کے ساتھ ٹیسٹ میچزکھیلنے سے انکارکرتے ہوئے کہا ہےکہ وہ ان حالات میں پاکستان نہیں آسکتے

پاکستان میں ٹیسٹ سیریز نہ کھیلنے کا فیصلہ بنگلا دیشی بورڈ نے اپنے اجلاس میں کیا۔ صدر بنگلادیش کرکٹ بورڈ نظم الحسن نے اعلان کیا کہ حکومتی ایڈوائس کے مطابق پاکستان میں صرف ٹی ٹوئنٹیز کھیل سکتے ہیں۔انہوں نے کہا کہ بنگلا دیشی ٹیم پاکستان میں صرف مختصر قیام کرسکتی ہے۔

صدر بنگلادیش بورڈ نظم الحسن کا کہنا تھا کہ بی سی بی پاکستان کرکٹ بورڈ کو باضابطہ آگاہ کرے گا۔یاد رہے کہ ‏بنگلا دیش کرکٹ ٹیم نے شیڈول کے مطابق رواں ماہ ٹی ٹوئنٹی اور ٹیسٹ سیریز کے لیے پاکستان کا دورہ کرنا ہے لیکن یہ دورہ اس وقت غیر یقینی صورتحال سے دوچار ہے۔بنگلا دیش ٹیسٹ میچز نہ کھیلنے جبکہ پاکستان کرکٹ بورڈ پاکستان میں ہی پہلے ٹیسٹ سیریز کھیلنے کے فیصلے پر قائم ہے۔

دوسری طرف پاکستان کرکٹ بورڈ نے بنگلہ دیش کی طرف سے ٹیسٹ کرکٹ کھیلنے سے انکارکے متعلق خبروں کے حوالے سے کہا ہےکہ بنگلہ دیش کی جانب سےتاحال باضابطہ طورپرآگاہ نہیں کیاگیا ،میڈیارپورٹس ہیں کہ بی سی بی پاکستان میں صرف ٹی20کھیلناچاہتاہے

Leave a reply