ڈھاکہ کی کچی آبادی میں آتش زدگی ہزاروں افراد بے گھر

بنگلادیش کے دارالحکومت ڈھاکا میں شدید آگ لگ گئی جس وجہ سے 10 ہزار سے زائد افراد بے گھر ہوگئے، آتش زدگی میں کئی افراد زخمی بھی ہوئے، زخمیوں کی کمی کی وجہ یہ تھی کہ عید کی چھٹیوں کے باعث کچی آبادی میں کم لوگ موجود تھے۔

ڈھاکا کے علاقے میر پور میں کچی آبادی میں آگ لگی،تیزی سے پھیلنے والی آگ نے کچھ ہی دیر میں پورے علاقے کو اپنی لپیٹ میں لے لیا،فائر فائٹرز نے کچھ گھنٹے بعد آگ پر قابو پایا۔

واضح رہے کہ اس کچی آبادی میں مزدور طبقہ رہائش پذیر تھا،کچھی آبادی میں کثر جھگیاں ہیں جو کپڑے سے بنی ہیں ان کے جلنے سے 10 ہزار افراد بے گھر ہوگئے ہیں، جو قریبی اسکول میں عارضی پناہ لئے ہوئے ہیں۔

آگ لگنے کی وجہ ابھی سامنے نہیں آئی ہے۔

جواب چھوڑیں

آپ کا ای میل ایڈریس شائع نہیں کیا جائے گا.