حمزہ شہباز کی مبینہ بیوی عائشہ احد ملک کی جائیداد نیلام کرنے کا حکم

لاہور:حمزہ شہباز کی مبنیہ بیوی کی دعویدار عائشہ احد ملک کی پراپرٹی بھی نیلام ہونےکے قریب اس سے پہلے حمزہ شہباز کی والدہ کی پراپرٹی سربمہر کرنے کا حکم بھی جاری ہوچکا ہے. تفصیلات کے مطابق بینکنگ عدالت لاہور نےنجی بینک کی ڈیفالٹر عائشہ احد ملک کی جائیدادوں کی نیلامی کا حکم دے دیا۔1کروڑ 35 لاکھ کی نادہندہ عائشہ احد کی جائیدادیں نیلام کرنے کے لئے26 اور27 اگست کی تاریخیں مقرر کی گئی ہیں۔

لاہور سے ذرائع کے مطابق بینکنگ عدالت نمبر ایک میں نجی بنک کی جانب سے عائشہ احد ملک کے خلاف دائر درخواست پر سماعت ہوئی ۔بنک کے وکیل نے عدالت کو بتایا کہ عائشہ احد نے اے زیڈ سی ڈویلپرز کے نام پر کاروبار کے لئے قرض حاصل کیا جس کیلئے موضع بھوبتیاں میں واقع تین کنال سترہ مرلے اور احد ٹاور گلبرگ کی دکان نمبر پندرہ اور سولہ رہن رکھوائیں۔

بینکنگ کورٹ نے قرض کی رقم بروقت ادا نہ کرنے پر عائشہ احد کو دوہزار بارہ میں ڈیفالٹر قرار دیا گیا اور عدالت نے ڈیفالٹر عائشہ احد کے خلاف2کروڑ سے زائد کی ڈگری جاری کر رکھی ہے۔وکیل نے بتایا کہ عدالتی ڈگری کے بعد ڈیفالٹر خاتون عائشہ احد نے 1 کروڑ 16 لاکھ روپے ادا کئے جبکہ ڈگری کے بقایا 1 کروڑ 35لاکھ ت30 ہزار 4سو بارہ روپے کی ریکوری کے لئے عائشہ احد کی جائیدادیں نیلامی کا حکم دیا جائے۔

جواب چھوڑیں

آپ کا ای میل ایڈریس شائع نہیں کیا جائے گا.