بارسلونا کو پہلے ہی میچ میں اپ سیٹ شکست کا سامنا

میڈرڈ (اے پی پی) اسپینش لالیگا فٹبال لیگ میں بارسلونا کو پہلے میچ میں‌ ہی اپ سیٹ شکست کا سامنا کرنا پڑگیا، ایتھلیٹک بلباﺅ نے بارسلونا کو 1-0 گول سے ہرا دیا.

تفصیلات کے مطابق اسپینش لالیگا فٹ بال لیگ میں ایتھلیٹک بلباﺅ کلب نے دفاعی چیمپئن بارسلونا کو دلچسپ مقابلے کے بعد 1-0 گول سے شکست دے دی، آرٹز نے میچ کے آخری لمحات میں گول کر کے ٹیم کو فتح دلوائی۔ اسپینش لالیگا کے سلسلے میں کھیلے گئے میچ میں بارسلونا اور ایتھلیٹک بلباﺅ کلبوں کے درمیان زبردست مقابلہ دیکھنے کو آیا تاہم قسمت نے ایتھلیٹک بلباﺅ کلب کا ساتھ دیا اور اس نے بارسلونا کو 1-0 گول سے زیر کر کے کامیابی سمیٹی.

آرٹز نے میچ کے آخری منٹ میں گول کر کے ٹیم کو برتری دلائی اور ان کا یہی گول فیصلہ کن ثابت ہوا۔