ورلڈ ہیڈر ایڈ

شدید ٹھنڈ اور بارش کے باوجود قومی جونئیر ہاکی ٹیم کے تربیتی کیمپ کا آغاز

شدید ٹھنڈ اور بارش کے باوجود قومی جونئیر ہاکی ٹیم کے تربیتی کیمپ کا آغاز

باغی ٹی وی :شہر میں بارش اور شدید ٹھنڈ کے باوجود قومی جونئیر ہاکی ٹیم کا تربیتی کیمپ شروع ہوگیا ۔۔ ٹیم کوچز کہتے ہیں کہ قومی کھیل کو اس کا کھویا ہوا مقام واپس دلانے کے لئے ہر ممکن محنت کریں گے ۔ قومی کھیل ہاکی میں کھویا ہوا مقام دوبارہ حاصل کرنے کا جنون ۔۔ تیز بارش اور شدید سردي کے باوجود نیشنل ہاکی سٹیڈیم میں جو نئیر ایشیا کپ کی تیاریوں کے لئے قومی جونئیر ہاکی ٹیم کا تربیتی کیمپ شروع ہوگیا ۔۔ کیمپ میں مدعو کئے گئے ساٹھ کھلاڑیوں نے کیمپ میں رپورٹ کردی ۔۔ کیمپ میں پہلے روز تین سیشنز میں ٹریننگ کی گئی ۔۔ کیمپ کے پہلے مرحلے میں دو ہفتے فزیکل ٹریننگ پر توجہ دی جائے گی۔ ٹیم کے ہیڈکوچ اولمپئین دانش کلیم اور کوچ محمد عمران کا کہنا تھا کہ کھلاڑیوں میں ٹیلنٹ ہےاس ٹیلنٹ کو نکھارنے کے لئے کوشش کررہے ہیں
کیمپ میں دو ہفتے تک کھلاڑیوں کی فزیکل فٹنس پر توجہ دی جائے گی جس کے بعد کھلاڑیوں کو شارٹ لسٹ کیا جائے گا ۔۔ جونئیرایشیا کپ ہاکی ٹورنامنٹ چار جون سے ڈھاکہ میں کھیلا جائے گا۔

جواب چھوڑیں

آپ کا ای میل ایڈریس شائع نہیں کیا جائے گا.