بستی ملوک سابق MPA (ن )رانا طاہر شبیر کی بستی ملوک پریس کلب آمد نو منتخب ارکان کو ہار پہنائے گئے

بستی ملوک(نمائندہ باغی ٹی وی )سابق ایم پی اے (ن)بستی ملوک رانا طاہر شبیر کی بستی ملوک پریس کلب آمد نومنتخب صدر بستی ملوک پریس کلب چوہدری اشفاق احمد۔ جنرل سیکرٹری وحید اختر۔نائب صدر چوہدری طیب فاروق جٹ کو پھولوں کے ہارے پہنائے اور مبارک باد دی ان کے ہمراہ سابق چیئرمین رانا واہین رانا جنگ شیر۔سابق کونسکر بستی ملوک چوہدری رضوان بھی موجود تھے اس موقع پر رانا طاہر شبیر نے گفتگو کرتے ہوئے کہاکہ بستی ملوک پریس کلب نے ہمیشہ عوامی مسائل کو اجاگر کیا ایک فرض شناش صحافی اپنے قلم سے قرب وجوار کے مثبت ومنفی مناظر کو اجاگر کرتا ہے ذمہ دار صحافی کی پہچان ہی سچائی کی خاطر ڈٹ جانا ہے اور یہ ذمہ داری بستی ملوک پریس کلب کے صحافی بخوبی سر انجام دیتے ہیں۔سیاسی صورت حال پر اپنی گفتگو میں رانا طاہر شبیر نے کہا کہ موجودہ حکومت نے عوام کو سڑکوں پر لا کھڑا کیا ہے غریب سفید پوش طبقہ دو وقت کی روٹی سے تنگ ہے مجبور والدین مہنگائی کی وجہ سےبچوں کی ضروریات پوری نہ کرسکنے پر خودکشیاں کر رہے ہیں مقامی حلقے پر ان کا کنا تھا کہ اقتدار کے بھوکے سیاستدانوں نے علاقہ کا بیڑا غرق کر دیا ہے ان کی نا تجربہ کاری کی وجہ سے ملک پچاس سال پیچھے چلا گیا ہے ہر چیز پر ٹیکسز کے باوجود شہری بنیادی سہولیات سے محروم ہیں بستی ملوک کی ہر گلی محلہ اور سڑکیں گندگی سے بھری ہوئی ہیں لعنت ہو ایسی تبدیلی پر جس میں شہری زندگی سے زیادہ موت کو ترجہی دینے پر مجبور ہیں روزگار دینے کی بجائے غریب سے اس کے جینے کا حق چھینا جا رہا ہے کشمیر میں نہتے مسلمان موجود حکمرانوں کی ناہلی کی وجہ سے کئی ماہ سے گھروں میں قید ہیں جبکہ اداروں کو بدنام کرنے میں بھی موجودہ حکومت نے کوکسر نہیں اٹھا رکھی اللہ پاک پاکستان کی حفاظت کریں۔رپورٹ رانا اظہر منیر نمائندہ باغی ٹی وی ملتان شجاع آباد