بارش میں دوران ڈرائیونگ احتیاطی تدابیر اختیار کریں۔ اسلام آباد پولیس

0
38
اسلام آباد پولیس کا اہلکار دوران بارش اپنی زمہ داریاں سرانجام دے رہا ہے

اسلام آباد پولیس نے شہریوں کو خبر دار کیا ہے کہ مون سون کی بارشوں میں دوران ڈرائیونگ تمام تر احتیاطی تدابیر ضرور اختیار کریں۔

پولیس کا مزید کہنا ہے کہ اگلی گاڑی سے فاصلہ رکھیں اور ہمیشہ اپنی لین میں رہیں۔

اسلام آباد کیپیٹل پولیس کے مطابق: وہ شہریوں کی خدمت کیلئے شاہراہوں پر موجود ہیں اور شہریوں کیلئے ہر قسم کی مدد اور تعاون کیلئے ہمہ وقت کوششاں ہیں۔

دوسری جانب ملک بھر میں بارش اور موسم کی خرابی کی وجہ سے کراچی سے چلنے والی بیشتر ٹرینوں کی آمد و رفت میں تاخیر ہو رہی ہے۔

پاکستان ریلوے حکام کا کہنا ہے کہ ٹرینوں کی آمدو رفت کو بہتر بنانے پر کام کیا جا رہا ہے، چند روز میں ٹرینیں اپنے مقررہ وقت پر چلنا شروع ہو جائیں گی۔

علاوہ ازیں پاکستان بھر میں موسلا دھار بارشوں کا سلسلہ جاری ہے اور اب تک دو سو سے زائد افراد جاں بحق ہو چکے ہیں جبکہ لینڈ سلائیڈنگ اور پل ٹوٹنے کے باعث کئی علاقوں کا زمینی رابطہ منقطع ہو چکا ہے۔

Leave a reply