پاکستان شوبز انڈسٹری کی معروف اور خوبرو اداکارہ سونیا حسین نے کہا ہے کہ مریض کو دوا دیں طعنہ نہ دیں۔

باغی ٹی وی : سوشل میڈیا ویب سائٹ انسٹاگرام پر ادکارہ اپنی شیئر کردہ پوسٹ میں بھی ذہنی مسائل کا شکار لوگوں کو معاشرے میں دئیے جانے والے طعنوں پر روشنی ڈالی ہے-
https://www.instagram.com/p/CEG5GblDx49/
انسٹا گرام پوسٹ میں سونیا حسین نے اپنے ڈرامے کا پوسٹر شیئر کرتے ہوئے لکھا کہ بیماری سے بیزاری کیوں ؟مریض کو دوا دیں، طعنہ نہیں-

اداکارہ نے اپنی پوسٹ میں لوگوں کو مخاطب کرتے ہوئے کہا کہ بیماروں سے بیزاری کا اظہار نہ کریں بلکہ ان کو سمجھیں اور ان کا علاج کروائیں-

اس سے قبل بھی اداکارہ نے انسٹاگرام پر نے ذہنی صحت سے متعلق اپنے پیغام میں لکھا تھا کہ اگر آپ اپنی ذہنی صحت کے حوالے سے بات کرتے ہوئے شرمندگی محسوس کرتے ہیں تو براہ مہربانی آپ ایک بار جا کر اس کی تعریف کا جائزہ لیں۔
https://www.instagram.com/p/CDf5TJNDWUO/
سونیا حسین نے لکھا تھا کہ ذہنی مسائل کا شکار افراد بھی اسی عزت و احترام کے مستحق ہیں جیسے عارضہ قلب میں مبتلا مریض ۔

اداکارہ نے لکھا تھا کہ وقت آ گیا ہے کہ کسی بھی شکل میں ذہنی بیماری کیلئے شرم محسوس کرنے کو ختم کیا جائے-

خیال رہے کہ اداکار سمیع خان اور سونیا حیسن جلد ہی نجی ٹی وی چینل ہم کے ڈرامے سراب میں نظر آئیں گے جس میں سونیا حسین ایسی لڑکی کا کردار ادا کرتی دکھائی دیں گی جو ذہنی بیماری کا شکار ہے جس میں وہ کبھی بالکل ٹھیک دکھائی دیتی ہیں اور کبھی انہیں کچھ بھی یاد نہیں رہتا-

سمیع خان اور سونیا حسین اپنے آنے والے ڈرامے سراب میں ذہنی بیماری شیزوفیرینیا سے متعلق آگاہی پیدا کریں گے جس میں اداکارہ سونیا ایک ذہنی مریضہ کا کردار ادا کریں گی شیزوفیرنیا ایک دائمی ذہنی بیماری ہے جو سوچنے کے انداز کو اور حقیقت کی ترجمانی میں دماغ کے افعال کو متاثر کرتی ہے اس مرض کا شکار افراد کو فریبِ نظر جیسے مسائل کا سامنا بھی ہوتا ہے۔

سونیا حسین اور سمیع خان جلد ہی نئے ڈرامے میں نظر آئیں گے

سونیا حسین کا ذہنی صحت سے متعلق اہم پیغام

آٹزم کو شیزوفیرینیا کی علامت قرار دینے پر تنقید کا سامنا کرنے پر سونیا حسین کا سوشل میڈیا صارفین کو جواب