بیگم شمیم اختر کی نماز جنازہ سے قبل ن لیگ کا بڑا فیصلہ، کارکنان میں تشویش کی لہر

0
32

خبردار،بیگم شمیم اختر کی نماز جنازہ سے قبل ن لیگ کا بڑا فیصلہ، کارکنان میں تشویش کی لہر
باغی ٹی وی کی رپورٹ کے مطابق بیگم شمیم اخترکی نمازجنازہ شریف میڈیکل کمپلیکس گراؤنڈ میں بعد نمازظہرادا کی جائیگی

بیگم شمیم اختر کی نماز جنازہ کے انتظامات مکمل کر لئے گئے ہیں،نمازجنازہ میں شرکت کے لیے شریف خاندان اورلیگی رہنماؤں کے لیے الگ بلاک ہوگا ،کارکنوں کے لیے نمازجنازہ میں شرکت کے لیے الگ بلاک بنایا گیا ہے،نماز جنازہ کے موقع پر بھی ن لیگ کی جانب سے کارکنان کو الگ رکھنے کی پالیسی ترتیب دی گئی ہے، پارٹی کارکنان جو پارٹی کے لئے سخت ترین موسم میں بھی قائدین پر جان قربان کرنے کو تیار ہوتے ہیں ان کارکنان کے لئے نماز جنازہ میں بھی الگ جگہ بنائی گئی ہے تا کہ وہ پارٹی قائدین کے ساتھ کھڑے نہ ہو سکیں ،عوامی و سماجی حلقوں نے اس پر تشویش کا اظہار کیا ہے،

ن لیگ کی جانب سے رویہ دیکھ کر ن لیگی کارکنان جو جنازے کے لئے آئے ہوئے ہیں انہون نے بھی اس پر تشویش کا اظہار کیا ہے کہ نماز جنازہ میں کارکنان کے لئے الگ جگہ کیوں بنائی گئی ہے، ن لیگی کارکنان نماز جنازہ میں شرکت کے لئے پہنچ رہے ہیں تا ہم کارکنان کے لئے الگ بلاک ہونے پر چہ میگوئیاں جاری ہیں کہ پارٹی ایسا کیوں کر رہی ہے، جلسوں میں جائیں توبھی پارٹی قائدین کے قریب نہیں جانے دیا جاتا، اب نماز جنازہ میں تو تفریق نہیں ہونی چاہئے لیکن نماز جنازہ کے موقع پر بھی کارکنان کے لئے الگ بلاک بنایا گیا ہے جہاں سے وہ نماز جنازہ ادا کریں گے

نوازشریف اورشہبازشریف کی والدہ کی تدفین جاتی امرا میں کی جائے گی ،بیگم شمیم اخترکومیاں شریف کے پہلومیں سپرد خاک کیا جائے گا،شمیم اخترکی تدفین میں شریف فیملی کےاراکین شرکت کریں گے

بیگم شمیم اخترکی رسم قل اتوار کوادا کی جائے گی،صرف اہلخانہ شرکت کرینگے ،وزیراعظم آزادکشمیر راجہ محمد فاروق حیدر خان شریف میڈیکل سٹی پہنچ گئے قائد مسلم لیگ ن محمد نوازشریف صدر مسلم لیگ ن محمد شہباز شریف کی والدہ کے نماز جنازہ میں شرکت کرینگے .مسلم لیگ ن کے امیر مقام۔ ڈاکٹر اسد اشرف۔ اقبال ظفر جھگڑا۔ جاوید لطیف فیملی کے ہمراہ جاتی عمرہ پہنچ گئے۔اے این پی کا وفد غلام احمد بلور کی قیادت میں جاتی عمرہ پہنچ گیا۔

بیگم شمیم اختر کی نماز جنازہ کے موقع پر لاہور پولیس کی سکیورٹی ہائی الرٹ ہے،ایک ایس پی ،3 ڈی ایس پیز،8 ایس ایچ اوزاور61 ماتحت تعینات کئے گئے ہیں،ڈولفن سکواڈ، پی آر یو ٹیمیں ،افسران بھی ڈیوٹی پرمامورہیں۔ڈولفن سکواڈ،پی آر یو ٹیمیں،تھانوں کے افسران و جوانوں سمیت 500 سے زائد اہلکارفرائض سرانجام دے رہے ہیں۔ ڈی آئی جی آپریشنزاشفاق خان کا کہنا ہے کہ شہر کے داخلی و خارجی راستوں پر سکیورٹی ہائی الرٹ ہے۔ ڈولفن سکواڈ،پی آر یو ٹیمیں،تھانوں کی گاڑیاں، جاتی امراء،شریف کمپلیکس اور دیگر مقامات پر موثر پٹرولنگ کر رہی ہیں۔ مازجنازہ کے شرکاء کو مکمل چیکنگ کے بعد ہی داخلے کی اجازت دی جائے۔کورونا خدشات کے پیش نظر نمازِ جنازہ میں شریک شہری فیس ماسک کا استعمال یقینی بنائیں۔

قبل ازیں سابق وزیر اعظم نواز شریف کی والدہ بیگم شمیم اختر کی میت لندن سے جاتی امرا پہنچا دی گئی۔مسلم لیگ ن کے صدر شہباز شریف اور حمزہ شہباز نے دیگر ن لیگی رہنماؤں نے بیگم شمیم اختر کی میت ائرپورٹ پر وصول کی۔ جس کے بعد میت کو جاتی امرا پہنچایا گیا۔

والدہ کی نماز جنازہ میں شرکت کے لئے حکومت نے شہباز شریف کو جیل سے 5 روز کے لئے رہا کر دیا ہے، محکمہ داخلہ پنجاب نے 5 روز کےلئے پیرول پر رہاکرنے کا نوٹیفیکیشن جاری کیاتھا ، جس کے مطابق شہبازشریف اور حمزہ شہبازشریف کی پیرول پر رہائی 27نومبر سے 1 دسمبر تک ہوگی۔

Leave a reply