معمرخاتون سے بدتمیزی . چھڑی بھی لگاتا رہا ، گالیاں بھی دیتا رہا ، یہ ہے پنجاب پولیس

لاہور: دنیا بدل گئی مگر پاکستان کی پولیس نہ بدل سکی ، ظلم ، جبر ، تشدد ، بدتمیزی ، بخیلی پولیس کا ماٹوبن گیا ہے ، ابھی صلاح الدین پر ظلم وتشدد کی بو محسوس کی جارہی تھی کہ دوسری طرف لاہور میں اےایس آئی کو معمرخاتون سے بدتمیزی کرنے میں شرم محسوس تک نہیں کی ،

لاہور میں آئی جی آفس کےمین دروازےپرپولیس کی بزرگ خاتون سےبدسلوکی۔ پولیس کےرویوں میں تبدیلی کےدعوؤں کی قلعی کھل گئی،قوم پہلے ہی صلاح الدین پر ہونے والے ظلم وتشدد کی وجہ سے صدمے سے چور تھی کہ قوم کی بوڑھی ماں سے بد تمیزی کرکے دلوں پر وار کرکے اور زخمی کردیا

تفصیلات کے مطابق عوام کی جان ومال کا تحفظ کرنے والے ہی بدسلوکی پر اترآئے،80سالہ خاتون آئی جی پنجاب کے پی ایس اوسےملنے آئی ،جونیئرڈیوٹی افسراےایس آئی محمدآصف نے بزرگ خاتون سےبدتمیزی کی،اے ایس آئی محمد آصف80 سالہ بزرگ خاتون کو چھڑی سے دھمکاتا رہا اور گالیاں بھی دیتا رہا۔

ذرائع کے مطابق آئی جی پنجاب کیپٹن(ر) عارف نواز نےبزرگ خاتون سےبدسلوکی کانوٹس لےلیا، آئی جی پنجاب نےاےایس آئی محمدآصف کومعطل کرنےکاحکم دے دیا، آئی جی پنجاب کا کہناتھا کہ بزرگ شہریوں کااحترام سب پرفرض ہے، کسی کیساتھ بھی بدسلوکی برداشت نہیں کروں گا۔