بحری سرحدوں کے دفاع کے ساتھ عوام کی خدمت، پاکستان نیوی نے عوام کے دل جیت لئے

بحری سرحدوں کے دفاع کے ساتھ عوام کی خدمت، پاکستان نیوی نے عوام کے دل جیت لئے

باغی ٹی وی کی رپورٹ کے مطابق پاک بحریہ کی جانب سے بنیادی سہولیات سے محروم علاقوں کے عوام کو بلا امتیاز بہترین طبی سہولیات کی فراہمی اور صحت عامہ سے متعلق آگاہی کے لئے کیماڑی کے علاقے بُھٹہ ولیج اور ماڑی پور کے علاقے مبارک ولیج میں مفت آئی اور میڈیکل کیمپ کا انعقاد کیا گیا۔ مفت میڈیکل کیمپ ساحل اور الفت ویلفیئر فاﺅنڈیشنز کے تعاون سے جبکہ آئی کیمپ آئی سائٹ ٹرسٹ کی معاونت سے قائم کیا گیا۔

پاک بحریہ کے ترجمان کے مطابق دونوں میڈیکل کیمپس میں تجربہ کار ڈاکٹرز پر مشتمل ٹیموں نے اپنی خدمات پیش کیں۔ ڈاکٹرز اور میڈیکل اسٹاف نے بھٹہ ویلیج ،مبارک ولیج او ر ان کے ملحقہ علاقوں سے آنے والے مریضوں کو بہترین طبی سہولیات فراہم کیں۔ میڈیکل کیمپ میں مریضوں کو طبی معائنے اور بنیادی جراحی کے ساتھ ساتھ مفت ادویات بھی فراہم کی گئیں ۔

پاکستان نیوی کا بلوچستان کی عوام کے لئے شاندار کام، عوام کی دعائیں

پاکستان نیوی کے صف اول کے جنگی جہاز کا دورہ سعودی عرب

مادر وطن کی سمندری سرحدوں اور ساحلوں کے دفاع کے لیے تیار ہیں، سربراہ پاک بحریہ

پاک بحریہ کے سربراہ کا کریکس اور کوسٹل ایریا میں پاک بحریہ کی تنصیبات کا دورہ

پاک بحریہ کے ترجمان کے مطابق طبی سہولیات کی فراہمی کے ساتھ ساتھ مقامی آبادی کو حفظان صحت ، بچوں کی نگہداشت، غذائی کمی اور اس کے باعث پیدا ہونے والی بیماریوں ،امراض چشم اور رہائشی علاقوں کی صفائی سے متعلق آگاہی فراہم کی گئی ۔

پاک بحریہ کے ترجمان کے مطابق میڈیکل کیمپ میں مردوں، عورتوں اور بچوں سمیت 600سے زائد مریضوں کا معائنہ کیا گیا۔