بے نظیر کی 12 ویں برسی،پیپلز پارٹی نے تقریبات کے حوالہ سے بڑا فیصلہ کر لیا

بے نظیر کی 12 ویں برسی،پیپلز پارٹی نے تقریبات کے حوالہ سے بڑا فیصلہ کر لیا

باغی ٹی وی کی رپورٹ کے مطابق شہید بےنظیربھٹوکی 12ویں برسی کی تقریبات کیلئے9 رکنی کمیٹی تشکیل دے دی گئی،کمیٹی میں سابق وزیراعظم سید یوسف رضا گیلانی، نیئربخاری، سابق وزیراعظم راجہ پرویز اشرف اور سابق وزیر اعلیٰ سندھ سید قائم علی شاہ شامل ہیں، مصطفیٰ نوازکھوکھر،چودھری یاسین، مہدی شاہ، نجم الدین اور صابر بلوچ کمیٹی کا حصہ ہیں.چیئرمین پیپلزپارٹی کی تشکیل دی گئی کمیٹی بےنظیربھٹوکی برسی کی تقریبات کا اہتمام کرے گی

واضح رہے کہ بلاول زرداری نے اعلان کیا ہے کہ بے نظیر کی برسی کی مرکزی تقریب لیاقت باغ راولپنڈی میں ہو گی، کراچی میں بھی سندھ کی سطح پر مختلف تقریبات ہوں گی جن سے پیپلز پارٹی کے رہنما خطاب کریں گے.

پیپلز پارٹی کے رہنما قمر زمان کائرہ کا کہنا ہے کہ پہلی مرتبہ بینظیربھٹوکی برسی راولپنڈی میں جائےشہادت پرمنانےکااعلان کیا ہے ،
حکومت صرف ذاتیات کی بات کرتی ہے،پیپلزپارٹی نےکوئی رعایت نہیں مانگی،ہم کبھی ایکسٹینشن کےحق میں نہیں تھے حکومت نے جوطریقہ کاراپنایااس کاتمسخربنا،

دوسری جانب فیصلہ کیا گیا ہے کہ چیئرمین پیپلزپارٹی بلاول زرداری 18 دسمبر، بروز بدھ، ریلوے گراؤنڈ رائیونڈ لاہور 1 بجے دوپہر ورکرز کنونشن سے خطاب کریں گے۔