fbpx

خبردارہوجائیں ہوشیار: دوسرے لوگوں میں کورونا پھیلانے والے کو 5 سال کی قید

ویتنام :خبردارہوجائیں ہوشیار: 8 افراد میں کورونا پھیلانے والے کو 5 سال کی قید ،اطلاعات کےمطابق ایک ویت نامی شخص کو کوروناوائرس ایس او پیز کی خلاف ورزی اور وائرس پھیلانے کے جرم میں پانچ سال قید کی سزا سنائی گئی ہے۔

ویت نامی میڈیا کے مطابق ملک کی ایک عدالت نے لی وان ٹری کو 8 افراد میں کورونا پھیلانے کا مجرم پایا جن میں سے ایک مریض کی موت ہوچکی ہے۔

جولائی کے اوائل میں 28 سالہ ٹری نے مبینہ طور پر ہو چی منہ شہر سے موٹرسائیکل کے ذریعے ملک کے جنوب میں اپنے آبائی صوبے کاماؤ کا سفر کیا تھا۔ کاماؤ میں ٹری کو صحت کے اعلامیے کے فارم پر، سفری تاریخ اور آئسولیشن کے قواعد پر عمل کرنے کے بارے میں جھوٹ بولنے کا مرتکب پایا گیا۔

مقامی حکام نے اس وقت یہ لازمی قرار دے دیا تھا کہ جو بھی دوسرے صوبوں سے کاماؤ میں سفر کرے گا اسے فوری طور پر خود کو 21 دن کے لیے قرنطینہ رہنا ہوگا۔

ٹری کا کورونا ٹیسٹ مثبت آیا اور پیا گیا کہ اس نے اپنے خاندان کے ممبروں کے ساتھ ساتھ ایک فلاحی مرکز کے عملے میں بھی وائرس منتقل کیا ہے جب وہ وہاں گیا تھا۔

کچھ ہی عرصہ قبل ویت نام سخت پابندیوں کے تحت کوویڈ19 پر قابو پانے میں بڑی حد تک کامیاب ہوا تھا۔ لیکن جون کے بعد سے انفیکشن میں اضافہ ہوا ہے۔

Facebook Notice for EU! You need to login to view and post FB Comments!