fbpx

بغیر اجازت عمرہ کرنے والوں پر بھاری جرمانہ عائد کرنا کا اعلان

سعودی عرب نے بغیر اجازت کے عمرہ ادا کرنے والوں پر پانچ لاکھ روپے تک جرمانہ عائد کرنے کا اعلان کر دیا۔

باغی ٹی وی :العربیہ کی رپورٹ کے مطابق سعودی عرب کی قومی سلامتی کی ایک ٹیم سماجی رابطوں کی ویب سائٹ ٹوئٹر پر اس کا اعلان کیا ہےاس کے علاوہ انہوں نے کہا ہے کہ مکہ مکرمہ کی حدود میں بھی بغیر اجازت کے داخل ہونے کی کوشش کرنے والوں پربھی 50 ہزار روپے تک کا جرمانہ عائد کیا جائے گا۔

قومی سلامتی کے ادارے نے بتایا کہ نئے جرمانے کرونا وائرس کو پھیلنے سے روکنے کے لیے مملکت کے احتیاطی اورحفاظتی اقدامات کا حصہ ہیں عمرہ کے لیے جانے کے خواہش مند افراد کو مسجد حرام میں داخل ہونے کا اجازت نامہ بھی حاصل کرنا ہو گا جو کووڈ19 سے متعلق ایپلی کیشنز توکلنا اور اتمارنا سے حاصل کیا جاسکتا ہے۔

سعودی عرب: عمرہ زائرین کی یومیہ تعداد بڑھا دی گئی

یاد رہے کہ سعودی عرب کی وزارتِ حج وعمرہ نے 9 ستمبر سے روزانہ 70 ہزارافراد کو عمرے کی اجازت دینے کا اعلان کیا تھا سعودی حکام کی جانب سے عمرہ زائرین کی تعداد بڑھانے کا فیصلہ بڑھتی ہوئی درخواستوں کو مدنظر رکھتے ہوئے کیا گیا۔

وزارت نے واضح کیا کہ یہ فیصلہ متعلقہ اداروں کے ساتھ رابطہ کاری سے کیا گیا عمرے کی بکنگ "توکلنا” ایپلی کیشن کے ذریعے کی جا سکتی ہے۔

سعودی وزارت حج و عمرہ کا کہنا ہے کہ نئے حکم نامے کے تحت عمرہ ادائیگی کا اجازت نامہ 15 روز بعد جاری کرایا جاسکتا ہے جبکہ مسجد نبوی میں روضہ شریف کا اجازت نامہ ایک ماہ بعد ہی جاری ہو گا جبکہ اعتمرنا ایپلی کیشن کےذریعے ایک وقت میں ایک سے زیادہ اجازت نامہ جاری نہیں ہو گا۔

واضح رہے کہ عمرہ اور نماز کے اجازت نامے مقامی شہری، مقیم غیرملکی اور وزٹ ویزا ہولڈر توکلنا ایپ میں اپ ڈیٹ کے بعد جاری کرا سکتے ہیں اعتمرنا ایپ کے ذریعے جاری ہونے والے کسی بھی اجازت نامے پر کوئی فیس نہیں ہے، تمام اجازت نامے مفت ہیں۔

متحدہ عرب امارات کا مسافروں کو وزٹ ویزہ آن آرائیول کی سہولت فراہم کرنے کا اعلان