بھارت کی متعدد ریاستوں کو بجلی کی فراہمی منقطع

0
66

بھارتی حکومت نے اپنی متعدد ریاستوں کی طرف سے بجلی کے بلوں کی ادائیگی نہ کیے جانے کے تسلسل کے بعد انہیں بجلی کی فراہمی کرنے سے روک دیا ہے-

باغی ٹی وی : بھارتی میڈیا کے مطابق مختلف ریاستوں کی جانب سے بجلی کے بلوں کی ادائیگی نہ کئے جانے پر مودی سرکار کے اس سخت اقدام سے بھارت کی تقریباً نصف ریاستیں متاثر ہوں گی۔

بھارتی میڈیا کے مطابق ان ریاستوں کے ذمہ 51 ارب روپے کی خطیر رقم واجب الادا ہے ان بلوں کی عدم ادائیگی کی بنیاد پر بجلی روکنے کا مقصد انہیں بجلی کے بلوں کی بروقت ادائیگی پر مجبور کرنا ہے۔

پاور سسٹم آپریشن کارپوریشن کے چئیرمین ایس آر نرسیمہن کا کہنا ہے اس اقدام کے بعد ملک کی 13 ریاستیں اس وقت تک بجلی کی خرید و فروخت سے محروم ہوجائیں گی جب تک بجلی پیدا کرنے والی کمپنیوں اور اداروں کو بل ادا نہیں کرتی ہیں۔

واضح رہے پاور سسٹم آپریشن کارپوریشن بھارت میں بجلی فراہمی کے لیے مرکزی آپریٹر کے طور پر کام کرتی ہےمودی سرکار نے بجلی سے متعلق نئے قوانین ماہ جون میں متعارف کرائے تھے ان قوانین کے مطابق اگر ریاستیں اڑھائی ماہ تک بجلی کے بلوں کی ادائیگی نہیں کریں گی تو قلیل مدتی بنیاد پر بجلی سے محروم کر دی جائیں گی۔

پاور سسٹم آپریشن کارپوریشن کے سربراہ کے ایک میسج کے مطابق بجلی روکنے کے اس فیصلے کے نتیجے میں میں مدھیہ پردیش، مہاراشٹرا، چھتیس گڑھ اور تامل ناڈو کے لیے بجلی روک دی گئی ہے۔

Leave a reply