بھارتی اداکارہ نے اسلام کی خاطر شوبز انڈسٹری چھوڑنے کا فیصلہ کر لیا

بھارتی اداکارہ ثناءخان نے اسلام کی خاطر شوبز چھوڑنے کا فیصلہ کیا ہے۔

باغی ٹی وی :بھارتی اداکارہ ثناء خان نے اسلام کی خاطر شوبز چھوڑنے کا اعلان اپنے سوشل میڈیا ویب سائٹ انسٹاگرام پرکیا انہوں نے انسٹاگرام پرایک نوٹ شئیر کیا جس کا آغاز ثناء خان نے بسم اللہ الرحمن الرحیم سے کیا اور تمام لوگوں کو مخاطب کرتے ہوئے کہا بھائیو اور بہنو! آج میں اپنی زندگی کے اہم موڑپرآپ سے بات کررہی ہوں۔
https://www.instagram.com/p/CGFm-Q-AFEh/
انہوں نے لکھا کہ میں ایک عرصے سے شوبزکی زندگی گزاررہی ہوں اور اس عرصے میں مجھے ہر طرح کی شہرت، عزت اور دولت اپنے چاہنے والوں کی طرف سے نصیب ہوئی جس کے لیے میں ان کی شکرگزار ہوں لیکن اب کچھ دنوں سے مجھ پر یہ احساس قبضہ جمائے ہوئے ہے کہ انسان کے دنیا میں آنے کا مقصد کیا صرف یہی ہے کہ وہ دولت اور شہرت کمائے؟

ثناءخان نے لکھا کہ کیا اس پر یہ فرض عائد نہیں ہوتا کہ وہ اپنی زندگی ان لوگوں کی خدمت میں گزارے جو بے آسرا اور بے سہارا ہیں؟ کیا انسان کو یہ نہیں سوچنا چاہئے کہ اسے کسی بھی وقت موت آسکتی ہے؟اور مرنے کے بعد اس کا کیا بننے والا ہے؟ ان دو سوالوں کے جواب میں مدت سے تلاش کررہی ہوں خاص طور پر اس دوسرے سوال کا کہ مرنے کے بعد میرا کیا بنے گا؟
https://www.instagram.com/p/CFrN8A-A3Zt/
انہوں نے لکھا کہ اپنے اس سوال کا جواب میں نے اپنے مذہب میں تلاش کیا تو مجھے پتہ چلا کہ دنیا کی یہ زندگی اصل میں مرنے کےبعد کی زندگی کو بہتر بنانے کے لیے ہے اور وہ اسی صورت میں بہتر ہوگی جب بندہ اپنے پیدا کرنے والے کے حکم کے مطابق زندگی گزارے،اور صرف دولت اور شہرت کو اپنا مقصد نہ بنائے بلکہ گناہ کی زندگی سے بچ کر انسانیت کی خدمت کرے اور اپنے پیدا کرنے والے کے بتائے ہوئے طریقے پر چلے۔
https://www.instagram.com/p/CFjhrccgyjZ/
ثناء خان نے لکھا کہ اس لیے میں آج یہ اعلان کرتی ہوں کہ آج سے میں اپنے شوبز کی زندگی چھوڑ کر انسانیت کی خدمت اور اپنے پیدا کرنے والے کے حکم پر چلنے کا پکا ارادہ کرتی ہوں تمام بھائیوں اور بہنوں سے درخواست ہے کہ آپ میرے لیے دعا فرمائیں کہ اللہ تعالیٰ میری دعا کو قبول فرمائے نیز آئندہ کے میرے عزم یعنی اپنے خالق کے حکم کے مطابق اور انسانیت کی خدمت کرتے ہوئے زندگی گزارنے کی توفیق عطا فرمائے اور اس پر استقامت نصیب فرمائے۔
https://www.instagram.com/p/CGCbMk_gifn/
ثناء خان نے لکھا کہ آخر میں تمام بھائیوں اور بہنوں سے گزارش ہے کہ وہ آئندہ مجھے کبھی شوبز کے کسی کام کے لیے دعوت نہ دیں بہت بہت شکریہ۔ ثنا خان۔

ثنا خان نے انسٹاگرام پر یہ پوسٹ شئیر کرتے ہوئے کیپشن میں اپنے جذبات کا اظہار کرتے ہوئے اس وقت کو اپنی زندگی کا سب سے پرمسرت لمحہ قرار دیا اور خدا سےدعا کی کہ اللہ تعالی اس سفر میں میری مدد اور رہنمائی کرے اس کے ساتھ ہی ثناء خان نے تمام لوگوں سے انہیں دعاؤں میں شامل رکھنے کی درخواست بھی کی۔
https://www.instagram.com/p/CFWni5yAyew/
واضح رہے کہ ثنا خان سلمان خان کے ساتھ فلم ’جے ہو‘اور ’وجہ تم ہو‘سمیت تامل اور تیلگو کی بھی متعدد فلموں میں اداکاری کرچکی ہیں تاہم انہیں سب سےز یادہ شہرت بھارتی ٹی وی کے رئیلیٹی شو بگ باس سیزن 6 سے ملی تھی۔
https://www.instagram.com/p/CF6rTKbAlbj/