شادی کی پیشکش ٹھکرانے پر بھارتی اداکارہ پر چھریوں سے حملہ

0
32

بھارتی ٹیلی ویژن اداکارہ مالوی ملہوترا کو شادی کی پیشکش ٹھکرانے پردوست نے چھریوں کے وار کر کے زخمی کر دیا گیا۔

باغی ٹی وی : بھارتی ویب سائٹ مڈڈے کے مطابق بھارتی اداکارہ مالوی مہوترا کو گزشتہ رات ایک دوست نے شادی کی پیشکش ٹھکرانے پر بدلہ لینے کی غرض سے چھریوں سے حملہ کر دیا جس کے نتیجے میں مالوی شدیدی زخمی ہو گئیں۔

پولیس نے بتایا کہ نواحی شہر اندھیری میں ایک شخص نے مبینہ طور پر ایک ٹی وی اداکارہ پر چاقو سے وار کیا۔

یہ واقعہ پیر کےروز شام نو بجے کے لگ بھگ اندھیری کے علاقے ورسووا میں اس وقت پیش آیا جب اداکارہ مالوی ملہوترا ایک کیفے سے گھر لوٹ رہی تھیں۔

ایک پولیس اہلکار نے بتایا کہ ملزم یوگیش مہیپال سنگھ ، جو ایک مہنگی ترین کار میں سوار تھا نے اسے راستے میں روک لیا اور پوچھا کہ اس نے اس سے بات کیوں نہیں کی ہے۔

بھارتی پولیس کے مطابق مالوی ملہوترا پر اُن کے دوست کے مابین جھگڑا ہوگیا اور ملزم نے ملہوترا کو پیٹ میں اور دونوں ہاتھوں پر چاقو سے 3 وار کیےاور فرار ہوگئے۔

پولیس کے مطابق متاثرہ اداکارہ مالوی کو فوری طور پر قریبی اسپتال منتقل کر دیا گیا جہاں اُن کا علاج جاری ہے جبکہ ملزم کو گرفتار کر لیا گیا ہے۔

دوسری جانب اداکارہ مالوی ملہوترا کے پولیس کو دیئے گئے بیان میں بتانا ہے کہ وہ اور منیش پال سنگھ ایک دوسرے کو ایک سال سے جانتے ہیں، منیش سنگھ اُن سے شادی کرنا چاہتا تھا مگر اُنہوں نے منیش سنگھ سے شادی سے انکار کے بعد بات کرنا بھی بند کر دی تھی۔

انہوں نے پولیس کو مزید بتایا کہ وہ کل رات دبئی سے واپس بھارت پہنچی تھیں اور چائے پینے کیفے جا رہی تھیں اچانک سے منیش سنگھ اُن کے پاس آیا اور بات نہ کرنے کی وجہ پوچھی جس پر اُنہوں نے منیش سنگھ کو کہا کہ وہ بات نہیں کرنا چاہتیں اس لیے اُن کا پیچھا کرنا اور اُن سے بات کرنے کی کوشش چھوڑ دیں۔

اداکارہ نے کہا کہ اُن کے منع کرنے پر منیش سنگھ نے اُن پر چھریوں سے حملہ کرتے ہوئے 3 وار کیے اور وہاں سے فرار ہو گیا۔

Leave a reply