بھارتی اداکارہ و ماڈل دیویا چوکسے چل بسیں

0
58

اداکار جگدیپ ار کریوگرافر سروج خان کے بعد ایک اور بھارتی اداکارہ و ماڈل 29 سالہ دیویا چوکسے چل بسیں-

باغی ٹی وی : بھارتی اخبار انڈیا ٹوڈے کے مطابق دیویا چوکسے گزشتہ ڈیڑھ سال سے کینسر کے عارضے میں مبتلا تھیں اور ان کا علاج چل رہا تھا دیویا چوکسے نے چند ڈراموں سمیت کچھ اشتہارات میں کام کیا تھا، تاہم کیریئر کے عروج سے قبل ہی وہ موذی مرض کا شکار ہوگئیں اور گزشتہ ڈیڑھ سال سے زیر علاج رہیں۔

بھارتی میڈیا رپورٹس کے مطابق کینسر کا علاج کراتے ہوئے دیویا چوکسے مالی مسائل کا شکار بھی ہوگئی تھیں اور انہوں نے مالی مدد کے لیے دوستوں اور مداحوں سے سوشل میڈیا پر اپیل بھی کی تھی۔

رپورٹ کے مطابق دیویا چوکسے کی دو دن قبل اچانک حالت بگڑ گئی اور انہیں ہسپتال داخل کرایا گیا جہاں پہنچنے پر انہوں نے اپنی انسٹاگرام اسٹوری میں مداحوں کو بتایا تھا وہ ان کے پیغامات کے جوابات نہیں دیں سکیں گی۔

سکرین شاٹ
اداکارہ نے لکھا تھا کہ انہیں کینسر مار دے گی انہوں نے مداحوں سے آسان موت کے لیے دعا بھی کی تھی اور ساتھ ہی سب کے لیے پیار اور نیک خواہشات کا اظہار بھی کیا اور مذکورہ پوسٹ کے کچھ ہی گھنٹوں بعد وہ ہسپتال میں چل بسیں۔

میڈیا رپورٹس کے مطابق بھارتی فلم انڈسٹری کے لیے یہ سال بہت بھاری ثابت ہوا ہے رواں سال نامور بالی وڈ اسٹار عرفان خان، رشی کپور اور میوزک کمپوزر ساجد خان انتقال کرگئے تھے۔

54 سالہ عرفان خان گزشتہ دو سال سے کینسر جیسے موذی مرض میں مبتلا تھے ان کی وفات کے تین دن بعد ہی لیجنڈ اداکار رشی کپور بھی کینسر کے باعث چل بسے تھے۔ بعض ازاں ساجد خان کی اچانک موت نے زب کو غمزدہ کر دیا-

واجد خان کے بعد گزشتہ ماہ 14 جون کو بالی وڈ کے نوجوان اداکار سوشانت سنگھ نے بھی خودکشی کرلی تھی اُن کے دوستوں کا کہنا ہے کہ شدید ڈپریشن کا شکار تھے۔

اس کے علاوہ سلمان خان کے ساتھ فلم’ریڈی ‘ میں کام کرنے والے مزاحیہ اداکار موہیت بگہیل 27 برس کی عمر میں چل بسے اس سے قبل بالی وڈ کی مشہور فلم پی کے میں عامر خان کے ساتھ کام کرنے والے اداکار کینسر کی وجہ سے انتقال کرگئے تھے-اور ٹک ٹاک ویڈیو میں 11 لاکھ فالورز رکھنے والے نوعمر نوجوان لڑکی کی لاش اور انسٹاگرام پر 1.27 لاکھ سے زیادہ ،فالورز رکھنے والی لڑکی سیا ککڑ کی لاش گیتا کالونی میں موجود پہلی منزل پر اس کے بیڈروم میں لٹکی ہوئی ملی تھی-

علاوہ ازیں بالی وڈ کی معروف کوریوگرافر سروج خان بھی دل کی دھڑکن بند ہونے کے باعث ممبئی کے مقامی اسپتال میں انتقال کرگئیں تھیں۔ سورج خان کے بعد بھارت کی مقامی شوبز انڈسٹری کے اداکار سشیل گودا نے ریاست کرناٹکا کے علاقے مندیا میں اپنے گھر پر خودکشی کر کے موت کو گلے لگ لیا تھا-

اداکار سشیل گودا کے بعد معروف اداکار جگدیپ جعفری بھی زائد العمری کے باعث چند دن قبل ہی انتقال کر گئے تھے۔

بھارتی اداکار سوشانت سنگھ راجپوت نے خودکشی کر لی

ایک اور بھارتی اداکار رشی کپور چل بسے

بالی وڈ کے معروف میوزک ڈائریکٹر کرونا کی وجہ سے جاں بحق

عرفان خان کے انتقال پر پاکستانی فنکاروں کا افسوس کا اظہار

معروف کامیڈین جگدیپ ممبئی میں81 برس کی عمر میں انتقال کر گئے

بھارت کی نامورکوریوگرافرسروج خان چل بسیں

17 سالہ بھارتی ٹِک ٹا ک اسٹار نے خود کشی کر لی

سوشانت سنگھ راجپوت کے بعد ایک اور بھارتی اداکار نے خود کشی کر لی

Leave a reply