بھارتی فنکاروں پر پاکستانی فنکاروں کے ساتھ آن لائن کام کر نے پر پابندی عائد

بھارتی فلم ملازمین کی تنظیم فیڈریشن آف ویسٹرن انڈیا سائن امپلائیز نے بھارتی فنکاروں پاکستانی فنکاروں کے ساتھ آن لائن ویڈیوز بنانے یا ان کے ساتھ کام کرنے سے روک دیا ہے

باغی ٹی وی : بھارتی فلم ملازمین کی تنظیم ایف ڈبلیو آئی سی ای نے ایک نوٹیفکیشن جاری کرتے ہوئے اپنے تمام موسیقاروں، فنکاروں اور گلوکاروں سمیت تمام تکنیکی کام کرنے والے عملے کو ہدایت کی ہے کہ وہ کورونا وائرس کی وجہ سے لاک ڈاؤن کے دوران بھی پاکستانی فنکاروں کے ساتھ آن لائن کوئی بھی سرگرمی نہ کریں


نوٹیفکیشن میں کہا گیا کہ تنظیم کو پتہ چلا ہے کہ کچھ بھارتی فنکار تنظیم کی بندش کے باوجود پڑوسی ملک پاکستان کے فنکاروں اداکارو‌ں اور گلوکاروں کے ساتھ کام کر رہے ہیں

تنظیم نے اپنے نوٹیفکیشن میں کہا کہ تنظیم کو پتہ چلا ہے کہ پاکستانی گلوکار راحت فتح علی خان کے ساتھ کچھ بھارتی موسیقار آن لائن کام کرنے جا رہے ہی، تاہم تنظیم اس بیان کے ذریعے ایسا قدم اٹھانے والوں کو روک رہی ہے

احکامات میں کہا گیا کچھ بھارتی موسیقاروں اور تکنیکی عملے نے حال ہی میں راحت فتح علی خان کے ساتھ آن لائن پروگرام میں معاونت کی اور یہ کہ وہ مزید بھی ایسا کرنے جا رہے ہیں جو کہ تنظیم کے ضوابط کی خلاف ورزی ہے

تنظیم نےاحکامات میں ارکان کو خبردار کیا گیا کہ وہ پاکستانی فنکاروں یا اداکاروں اور گلوکاروں کے ساتھ آن لائن بھی کام کرنے سے گریز کریں دوسری صورت میں ان کے خلاف قانون کے مطابق سخت تادیبی کارروائی کی جائے گی تنظیم نے یہ احکامات جاری کرتے ہوئے اپنا موقف اختیا کیا کہ ساری دنیا خطرناک وبا کورونا وائرس سے لڑ رہی ہے لیکن پاکستانی بارڈر پر ہماری فوج کو ما رہے ہیں

نوٹیفیکیشن میں کہا گیا کہ آپ ان احکامات کی خلاف ورزی کرنےسے گریز کریں اور تنظیم کو یقین ہے کہ تمام ممبرز ان احکامات پر عمل کریں گے

ایف ڈبلیو آئی سی ای کی جانب سے مذکورہ نوٹیفکیشن ایک ایسے وقت میں سامنے آیا ہے جب حال ہی میں پاکستانی گلوکار علی سیٹھی نے معروف گلوکارہ فریدہ خانم کے ساتھ بھارتی گلوکار ریکھا بھردواج اور ان کے شوہر کے ساتھ آن لائن ایک سیشن کیا تھا

ریکھا بھردواج کا پاکستانی مداحوں کے لئے لائیو پرفارم کرنے کا اعلان

ریکھا بھردواج کا پاکستانی مداحوں کے لئے لائیو پرفارم کرنے کا اعلان

جواب چھوڑیں

آپ کا ای میل ایڈریس شائع نہیں کیا جائے گا.