fbpx

25 مئی کے بھگوڑے معیشت پہ بھاشن نہ دیں، تم نے تو قبر تک ساتھ جانا تھا،شیخ رشید کے بیان پر رانا ثناءاللہ کا ردعمل

سابق وفاقی وزیر اور عوامی مسلم لیگ کے سربراہ شیخ رشید کے بیان پر ردعمل کا اظہار کرتے ہوئے وزیرداخلہ رانا ثناءاللہ کا کہنا تھا کہ 25 مئی کے بھگوڑے معیشت پہ بھاشن نہ دیں، پہلے چپڑاسی یہ بتائے کہ 25 مئی کو کہاں تھا، تم نے تو قبر تک ساتھ جانا تھا پھر اس دن اپنے باس کو چھوڑ کر کہاں روپوش تھے-

باغی ٹی وی : وفاقی وزیر داخلہ نے کہا کہ واہ رے انقلاب، بھگوڑا پشاور بھاگ گیا اور چپڑاسی لال حویلی میں چھُپ گیا، خونی مارچ کے اعلان کرنے والا خود ہی مارچ کے دن سویا ہوا تھا، یہ دوسروں کے بے گناہ بچوں کی لاشوں پر اپنی سیاسی دکان چمکانے والے خون آشام چمگادڑ ہیں۔

وزیر داخلہ کا عمران خان کی اسلام آباد واپسی پر گرفتاری کا عندیہ

وفاقی وزیر نے کہا کہ نیب قانون کی کسی ترمیم سے کوئی موجودہ کیس ختم نہیں ہوا، نیب نے ملک کی معیشت تباہ کی، ہم نے کاروبار اور سرمایہ کار برادری کو خوف سے نجات دلائی ہے، ہمارے خلاف چار سال میں کسی کیس کا کوئی ثبوت کسی عدالت میں نہیں دیاگیا، پھر بھی ہم نے ڈٹ کر عدالتوں میں سیاسی انتقام کا سامنا کیا، جیلیں کاٹیں، باس اورچپڑاسی کی طرح میدان سے نہیں بھاگے، اور ابھی بھی عدالت میں ثبوت لے جائیں قانون موجود ہیں۔

رانا ثنااللہ نے کہا کہ عمرانی انقلاب ضمانتیں کروا رہا ہے اور خیبر پختونخواہ کی عوام کے پیسے پہ منرل واٹر پی رہا ہے، اور ہیلی کاپٹر کی سیر کر رہا ہے، کوئی بھی مسلح جتھہ وفاق پہ حملہ کرنے کا سوچے گا بھی برداشت نہیں کیا جائے گا۔

چائینیز کی سیکیورٹی کیلئے ڈسٹرکٹ فارنر سیکیورٹی سیل قائم کرنے کا فیصلہ

قبل ازیں وزیر داخلہ کا کہنا تھا کہ عمران نیازی کواسلام آباد واپسی پرخوش آمدید کہتے ہیں قانون کےمطابق ان کوسکیورٹی فراہم کی جارہی ہےعدالتی ضمانت ختم ہونےپرقانون کے مطابق فراہم کی گئی یہی سکیورٹی عمران نیازی کوبڑی خوش اصلوبی سےگرفتار کرلے گی عمران نیازی ملک میں ہنگامہ آرائی،فتنہ وفساد،افراتفری پھیلانےاوروفاق پرمسلحہ حملوں کے جرائم کےتحت درج دو درجن سے زائد مقدمات میں بطور ملزم نامزد ہیں ملک میں فساد برپا کرنے والا شخص کس طرح ایک جمہوری معاشرے میں ایک سیاسی جماعت کا سربراہ ہوسکتا ہے؟یہ پوری قوم کیلئے ایک لمحہ فکریہ ہے۔

وفاقی کابینہ کی چین سے 2 ارب 40 کروڑ ڈالر قرض کے حصول کی منظوری