ممتاز حیدر
لاہور کے علاقے نواب ٹاؤن میں بھانجوں کے ہاتھوں ماموں کے قتل کے کیس میں پولیس نے اہم پیش رفت کی ہے۔ نواب ٹاؤن پولیس نے چوبیس گھنٹے سے بھی کم وقت میں ایک مفرور ملزم کو گرفتار کر لیا ہے۔
ڈی آئی جی آپریشنز نے اس واقعہ کا نوٹس لیتے ہوئے فوری طور پر ملزمان کی گرفتاری کے لیے اقدامات کرنے کی ہدایت دی تھی۔ ترجمان کے مطابق، ڈی آئی جی آپریشنز کی ہدایت پر ملزمان کی گرفتاری کے لیے ایک خصوصی ٹیم تشکیل دی گئی، جس نے آپریشن کے دوران ملزم احتشام کو گرفتار کر لیا۔ترجمان کے مطابق، ملزمان احتشام اور گلشام گزشتہ روز اس واقعہ کے بعد فرار ہو گئے تھے۔ ان کے خلاف مقدمہ 2484/25 گزشتہ روز ہی درج کر لیا گیا تھا۔ پولیس نے ملزم گلشام کی گرفتاری کے لیے چھاپے مارنے کا عمل جاری رکھا ہوا ہے۔
ڈی آئی جی آپریشنز کی ہدایات کے تحت پولیس نے اس کیس میں انتہائی تیزی سے کارروائی کی ہے اور مزید پیشرفت کی توقع کی جا رہی ہے۔ملزم احتشام کی گرفتاری کے بعد پولیس گلشام کے حوالے سے معلومات حاصل کرنے کے لیے مختلف جگہوں پر چھاپے مار رہی ہے اور امید کی جا رہی ہے کہ وہ بھی جلد قانون کے شکنجے میں ہوگا۔
