بھارت، ایک اور عورت ہجومی تشدد کی بھینٹ چڑھ گئی

بھارت میں ہجومی تشدد کے واقعات میں اضافہ ہوتا جا رہا ہے۔ ہجومی تشدد کے شکار افراد کا تعلق زیادہ تر اقلیتوں خصوصاً مسلمانوں سے ہوتا ہے۔

بھارتی میڈیا کے مطابق جمعرات کی صبح ذہنی طور پر معذور عورت ہجومی تشدد کی بھینٹ چڑھ گئی۔واقعہ بھارتی ریاست کے ضلع ویشالی میں پیش آیا جہاں بچہ چوری کرنے کے شبہ میں ایک عورت کو مار مار جان سے مار دیا گیا۔ پولیس نے لاش پوسٹ مارٹم کے لیے بھیج دی ہے۔

اطلاعات کے مطابق خاتون جب ایک گھر میں داخل ہوئی تو گھر کے فرد نے شور مچانا شروع کر دیا۔ شور کی لوگوں کی بھیڑ لگ گئی ۔ اسی دوران خاتون کو بچہ چور سمجھ کر پیٹا جانے لگا۔مارپیٹ میں مردوں کے ساتھ ساتھ مقامی خواتین نے بھی حصہ لیا۔ملوث افراد کی شناخت کے لیے پولیس نے پوچھ گچھ شروع کر دی ہے۔ خاتون کے بارے میں پتہ نہیں چل سکا کہ اس کا تعلق کس علاقے سے ہے؟

جواب چھوڑیں

آپ کا ای میل ایڈریس شائع نہیں کیا جائے گا.