بھارت کیلئے پاکستان کی فضائی حدود مکمل طور پر کب بند ہو گی؟ بڑی خبر آ گئی

وفاقی وزیر ہوابازی غلام سرور خان نے کہا ہے کہ وزیر اعظم عمران خان کی زیر صدارت ہونے والے کابینہ اجلاس میں انڈیا کیلئے پاکستان کی فضائی حدود مکمل بند کرنے پر غور کیا گیا ہے اور اس سنجیدہ نوعیت کی مشاورت کے بعد توقع کی جارہی ہے کہ آئندہ 48 گھنٹوں میں اس سلسلہ میں‌ فیصلہ کر لیا جائے گا،

باغی ٹی وی کی رپورٹ کے مطابق غلام سروس خان کا کہنا تھا کہ کابینہ میٹنگ میں اگرچہ پاکستان کی فضائی حدود مکمل بند کرنے کیلئے حتمی فیصلہ نہیں‌ کیا گیا تاہم اس حوالہ سے تمام قوانین پر غور کیا جارہا ہے جس کے بعد فیصلہ کیا جائے گا. ان کا کہنا تھا کہ آئندہ 48 گھنٹوں‌ میں انڈیا کیلئے پاکستان کی فضائی حدود مکمل بند کرنے سے متعلق فیصلہ ہو سکتا ہے،

وفاقی وزیر برائے ہوابازی غلام سرور کی طرح آج ہی وفاقی وزیر برائے سائنس و ٹیکنالوجی فواد چوہدری نے بھی سوشل میڈیا سائٹ ٹویٹر پر اپنے پیغام میں کہا تھا کہ وزیر اعظم عمران خان انڈیا کیلئے پاکستانی فضائی حدود اور پاکستان کے راستے افغانستان سے تجارت کیلئے زمینی راستہ مکمل بند کرنے پر غور کر رہے ہیں، اسی طرح ان کی جانب سے مزید کہا گیا تھا کہ کشیدگی کا آغاز ہندوستانی وزیر اعظم نریندر مودی نے کیا لیکن اسے ختم ہم کریں گے،

واضح رہے کہ حکومت پاکستان کی طرف سے جموں‌ کشمیر کی خصوصی حیثیت والی دفعات ختم کئے جانے کے بعد سے انڈیا کیخلاف سخت اقدامات اٹھائے جارہے ہیں،