بھارتی لوک سبھا انتخابات کے نتائج کا اعلان کل 23 مئی کو کیا جائے گا
بھارت میں حال ہی میںہونے والے لوک سبھا الیکشن کے نتائج کی تیاریاںمکمل کر لی گئی ہیں. 542 سیٹوں کیلئے ووٹوں کی گنتی پہلے کی طرح ہی ہوگی اور گنتی پوری ہونے کے بعد ہی وی وی پی اے ٹی کی پرچیوں کو ایم وی ایم سے ملایا جائے گا۔
باغی ٹی وی کی رپورٹکے مطابق ووٹوں کی گنتی شروع ہونے کے وقت وی وی پی اے ٹی کی پرچیوں کا ای وی ایم سے توثیق کے لیے 22اپوزیشن پارٹیوں کے مطالبے کو ٹھکرانے کے بعد کمیشن نے پہلے کی طرح ہی ووٹوں کی گنتی کرانے کا فیصلہ کیا ہے۔ اس بارے میں تمام ضروری ہدایات دے دی گئی ہیں۔
ووٹوںکی گنتی کل جمعرات کو ہو گی. اس سلسلہ میں گنتی کے مراکز کے گردونواح میں سکیورٹی انتظامات انتہائی سخت کر دیے گئے ہیں اور اضافی نفری تعینات کر دی گئی ہے. میڈیا کے لیے بھی خبروں کی حصولیابی کے لیے ضروری سہولیات مہیا کرائی گئی ہیں۔
یاد رہے کہ کل 17ویںلوک سبھا انتخابات کے نتاج کا اعلان ہو گا.