بھارت میں طوفانی بارشیں، دو روز میں 130 افراد ہلاک درجنوں لاپتہ

0
26

نئی دہلی: بھارت میں 2 روز میں طوفانی بارشوں کے باعث 130 افراد ہلاک متعدد زخمی ہو گئے۔

باغی ٹی وی : بھارتی میڈیا کے مطابق بھارتی ریاست مہاشٹرا میں طوفانی بارشوں کا سلسلہ جاری ہے اور گزشتہ 48 گھنٹے کے دوران سیلاب اور لینڈ سلائیڈنگ کی وجہ سے 130 افراد ہلاک ہو گئے۔

رپورٹس کے مطابق مہاشٹرا کے تالئے نامی گاؤں میں لینڈ سلائیڈنگ کی زد میں 32 گھر آ گئے جبکہ33 افراد ہلاک اور 52 لاپتہ ہو گئے۔

طوفانی بارشوں اور سیلاب کی وجہ سے 84 ہزار سے افراد کو محفوظ مقام پر منتقل کر دیا گیا ہے جبکہ بھارتی نیوی، آرمی سمیت دیگر فورسز بھی ریسکیو کے کاموں میں مصروف ہے۔

بھارتی نیوی نے اپنے ایک جاری بیان میں کہا کہ متاثرہ علاقے میں پھنسے ہوئے شہریوں کو ریسکیو کرنے کے لیے ہیلی کا پٹرز اور کشتیوں سمیت دیگر ٹیمیں کام کر رہی ہیں۔

بھارتی میڈیا کے مطابق ساحلی علاقے چپلون کا کم و بیش آدھا علاقہ سیلاب کی زد میں آگیا ہے یہاں تقریباََ 70 ہزار افراد مقیم ہیں۔

Leave a reply