بھارت، سیلاب نے تباہی مچا دی

بھارت میں بارشوں سے کئی علاقوں میں زبردست سیلاب کی کیفیت ہے جس سے بھاری جانی اور مالی نقصان ہو رہا ہے۔بارش، سیلاب اور تودہ گرنے کے واقعات میں مرنے والوں کی تعداد ر250ہو گئی ہے جبکہ 50لاپتہ ہیں۔ کئی لاکھ لوگ متاثر ہو ئے ہیں اور زیادہ تر لوگوں کوریلیف کیمپوں میں منتقل کردیا گیا ہے۔
بھارت، کیرالہ میں سیلاب نے تباہی مچا دی، حالات سنگین
کیرالہ اور کرناٹک کے کچھ حصوں میں سیلاب اور تودہ گرنے کی وجہ سے سب سے زیادہ نقصان ہوا ہے۔اب تک کیرالہ میں سب سے زیادہ ہلاکتیں ہوئی ہیںجن کی تعداد 108 ہے۔جبکہ کرناٹک میں 54، گجرات میں 35، مہاراشٹر میں 30، اتراکھنڈ اور اڈیشہ میں آٹھ آٹھ اور ہماچل پردیش میں دو لوگوں کی موت ہوچکی ہے۔ اس کے علاوہ مغربی بنگال میں آسمانی بجلی گرنے سے کم سے کم آٹھ لوگوں کی موت ہوگئی ہے۔

علاوہ ازیں کیرالہ اور کرناٹک میں زبردست بارش اور سیلاب کی وجہ سے تودہ گرنے کے واقعات کے بعد سے 49لوگ اب بھی لاپتہ ہیں۔