بھارتی ایجنسی نے میرے خلاف کیا اقدام اٹھایا ہے؟ مشعال ملک نے صاف بتا دیا

جموں‌ کشمیر لبریشن فرنٹ‌ کے چیئرمین محمد یٰسین ملک کی اہلیہ مشعال ملک نے کہا ہے کہ بھارت کشمیریوں کوایل اوسی کےعلاقوں تک محدودکرکےمہاجرکا درجہ دیناچاہتا ہے،

باغی ٹی وی کی رپورٹ کے مطابق انہوں نے کہاکہ یاسین ملک کی صحت تشویشناک ہےانہیں پنجرےنماسیل میں رکھاگیاہے، میرانام بھی بھارتی ایجنسی این آئی اےکی فہرست میں شامل کرلیاگیا ہے، مقبوضہ کشمیرگئی تو مجھے گرفتار کرلیا جائے گا،

واضح‌ رہے کہ بھارت میں نئی دہلی کی تہاڑ جیل میں جموں‌ کشمیر لبریشن فرنٹ‌ کے چیئرمین محمد یٰسین ملک کی انتہائی تشویشناک حالت میں تصاویر منظر عام پر آئی ہیں جس پر کشمیری قوم میں سخت تشویش کی لہر دوڑ گئی ہے، حریت رہنما یاسین ملک کی تازہ ترین تصاویر تہاڑ جیل کے پنجرہ نما بیرک کی ہیں جہاں انہیں‌ سخت تشویشناک حال میں باہر نکال کر صوفے پہ لٹایا گیا ہے، اس حوالہ سے بعض اطلاعات انتہائی دلسوز ہیں، یاد رہے کہ یٰسین ملک کی اہلیہ مشعال ملک نے بھی ایک دن قبل کہا تھا کہ ان کے شوہر کی حالت انتہائی خراب ہے اور وہ اپنے قدموں پر کھڑے بھی نہیں‌ ہو سکتے، انہوں نے کہا تھا کہ عالمی اداروں کو اس کا نوٹس لینا چاہیے اور انہیں رہا کروانا چاہیے. یٰسین ملک کو رہا نہ کئے جانے پر کشمیری قوم میں سخت غم و غصہ پایا جاتا ہے،

جواب چھوڑیں

آپ کا ای میل ایڈریس شائع نہیں کیا جائے گا.