بھارتی فضائیہ میں بھرتی کے دوران دیوار گر گئی

بھارتی صوبہ پنجاب کے ضلع جالندھر میں پنجاب مسلح پولیس(پی اے پی)کے میدان میں فضائیہ کی بھرتی جاری ہے۔ پیر کے روز میدان میں دیوار گر گئی جس سے 15افراد زخمی ہو گئے جن سے تین کی حالت نازک ہے۔زخمیوں کو ہسپتال میں منتقل کر دیا گیا ہے

اسسٹنٹ کمشنر آف پولیس (شمال) ہرسمرت سنگھ کے مطابق پی اے پی کے میدان میں ریاست کے 12 اضلاع سے متعلق نوجوانوں کے لیے آج سے بھرتی شروع ہوئی ہے۔ لائن میں کھڑے افراد پر میدان کی دیوار گرنے سے تقریباً 15 افراد زخمی ہوئے ہیں۔

حادثے کے دوران زخمی اور عینی شاہد منیش نے بتایا کہ وہ جالندھر کے پی اے پی میں ایئرفورس بھرتی کے لیے اتوار کی رات ہی پہنچ گئے تھے۔ منیش کے مطابق وہ آج صبح تقریباً ساڑھے پانچ بجے سے ہی میدان میں لائن میں کھڑے ہو گئے تھے لیکن شدید رش کی وجہ سے وہ دیوار کے ساتھ ساتھ کھڑے تھے۔