بھارتی فوج نے 16 سالہ کشمیری لڑکے کو شہید کردیا

بھارتی فوج نے 16 سالہ کشمیری لڑکے کو شہید کردیا

باغی ٹی و ی : بھارتی فوج کی ریاستی دہشت گردی جاری ہے .، حالیہ جعلی مقابلے میں 16 سالہ کشمیری لڑکے کو شہید کردیا ہے.بھارت نے معصوم کشمیری خاندان پر ظلم کی انتہا کر دی،پاکستانی ہونے کا جھوٹا اور من گھڑت الزام لگا کر 3 کشمیریوں کو شہید کر دیا۔

دوسری طرف شہید کشمیریوں کے اہلِ خانہ نے بتایا کہ 18 سالہ ابرار کھٹانہ، 21 سالہ امتیاز احمد اور 25 سالہ ابرار احمد 16 جولائی کو کام کی تلاش میں سری نگر جانے کے لیے اپنے گھروں سے نکلے تھے، جس کے بعد ان سے رابطہ منقطع ہو گیا تھا۔کشمیر میں ہونے والے بھارتی مظالم پر دنیا خاموش ہے، 3 کشمیری مزدوروں کے لواحقین کو کون انصاف دے گا؟ کوئی نہیں جانتا، جو بھی آزادی کے لئے نعرہ لگاتا ہے بھارتی فوج اسے جعلی انکاؤنٹر میں شہید کر دیتی ہے، بھارتی فوج نے کشمیریوں کی زندگی اجیرن بنا رکھی ہے

قبل ازیں مقبوضہ جموں و کشمیر کے سرحدی ضلع پونچھ کے منگنر میں سرچ آپریشن کے دوران عسکریت پسندوں کے ایک ٹھکانے کو تباہ کیا گیا ہے

مشتبہ عسکریت پسندوں کے ٹھکانے سے دو اے کے 47 رائفلیں اور چار میگزین بر امد کئے گئے ہیں۔سپرنٹنڈنٹ آف پولیس پونچھ رمیش انگرل نے کہا کہ ‘ہمارے پاس مخصوص ان پٹ تھی اور اسی بنیاد پر اسپیشل آپریشن گروپ پونچھ اور مقامی فوج کے یونٹ نے سرچ آپریشن شروع کیا۔