بھارتی فورسز نے جعلی مقابلے میں بنایا کشمیریوں کو نشانہ

بھارتی فورسز نے جعلی مقابلے میں بنایا کشمیریوں کو نشانہ

باغی ٹی وی رپورٹ ‌‌: جنوبی کشمیر کے ضلع ترال اونتی پورہ کے بجہ کول کے مقام پر بدھ کے روز نصف شب کو ایک جعلی پولیس مقابلے میں تین مجاہدین کو شہید کر دیا گیا۔
ساوتھ ایشین وائر کو جموں و کشمیر پولیس کے ایک اعلیٰ اہلکار یشانت شرما نے بتایا کہ سیکورٹی فورسز نے ترال کے علاقے دیور میں سرچ آپریشن کے تین مجاہدین، امیرآباد ترال کے رہنے والے جہانگیر رفیق وانی، لورگام کے راجہ عمر مقبول اور بارہمولہ کے عزیراحمد بٹ کوشہید کر دیا ۔
ساوتھ ایشین وائر کو معلوم ہوا ہے کہ دونوجوان جہانگیر رفیق اور عزیراحمد 12جنوری کو گرفتار کئے گئے تھے ۔ اور انہیں بدھ کی رات کو پولیس کی حراست میں گولیاں مار کر شہید کر دیا گیا۔12جنوری کو حزب المجاہدین کے ایک کمانڈر حماد کو ایک آپریشن میں شہید کیا گیا تھا اور اسی دوران انہیں گرفتار کر لیا گیا۔
دیگر ذرائع نے بتایا کہ عمر مقبول تنظیم انصار غزوة الہند جبکہ جہانگیر رفیق اور عزیراحمد حزب المجاہدین سے وابستہ تھے ۔جہانگیر وانی حزب کے اعلیٰ کمانڈر تھے ۔