سعد فاروق
بھارتی عوام اور میڈیا جس فوجی پریس کانفرنس کا شدت سے انتظار کر رہے تھے، وہ مایوسی پر ختم ہوئی۔ بھارتی عسکری حکام نے بغیر کسی ثبوت کے ایک بار پھر پاکستان پر وہی پرانے الزامات دہرا دیے، جنہیں پاکستان بارہا مسترد کر چکا ہے۔
باغی ٹی وی کے مطابق گزشتہ روز بھارتی میڈیا نے یہ جھوٹی خبریں پھیلائیں کہ پاکستان نے مقبوضہ کشمیر اور بھارت کے مختلف علاقوں میں حملے کیے ہیں۔ تاہم ان دعوؤں کی فوری تردید پاکستان کی جانب سے سامنے آئی، جس میں واضح کیا گیا کہ پاکستان نے کوئی ڈرون یا میزائل حملہ نہیں کیا۔
بھارتی میڈیا کی غیرذمہ دارانہ رپورٹنگ کا عالم یہ تھا کہ ایک دوسرے سے آگے نکلنے کی دوڑ میں مختلف چینلز جیسے کہ آج تک، ٹائمز ناؤ، ریپبلک ٹی وی اور انڈیا ٹی وی نے جعلی ویڈیوز اور غیر مصدقہ اطلاعات نشر کیں۔ ان کے جھوٹ کا پول اسی رات سوشل میڈیا پر کھل گیا، جب خود بھارتی عوام نے ثبوت مانگنے شروع کر دیے۔
متعدد فیک نیوز اور افواہوں کے بعد بھارتی فوج اور سیکرٹری خارجہ کی مشترکہ پریس کانفرنس مقامی وقت کے مطابق ساڑھے 5 بجے ہوئی، جس میں کرنل صوفیہ قریشی نے دعویٰ کیا کہ پاکستان نے لیہہ سے سرکریک تک 36 مقامات پر ڈرونز بھیجے، جو ترک ساختہ تھے اور ان کا مقصد بھارتی فضائی دفاعی نظام کی جانچ اور انٹیلی جنس معلومات اکٹھی کرنا تھا۔
تاہم اس بریفنگ میں نہ تو کسی قسم کے ویژول ثبوت پیش کیے گئے اور نہ ہی پاکستانی شہروں پر حملے کے بھارتی میڈیا کے دعووں کی تصدیق کی گئی، جس نے اس تمام جھوٹے پروپیگنڈے کو مزید بے نقاب کر دیا۔حیرت انگیز طور پر، بھارتی فوج کی پریس کانفرنس میں پاکستان پر کیے گئے مبینہ حملوں کا ذکر تک نہ کیا گیا، جنہیں میڈیا نے رات بھر اپنی ہیڈ لائنز بنایا رکھا۔ سوشل میڈیا پر میمز اور طنزیہ پوسٹس کی بھرمار نے بھارتی میڈیا کی سنجیدگی پر سوالیہ نشان لگا دیا ہے۔
پاکستانی دفتر خارجہ اور فوجی قیادت پہلے ہی واضح کر چکی ہے کہ بھارت کی جانب سے کسی بھی اشتعال انگیزی کا مؤثر اور ذمہ دارانہ جواب دیا جائے گا، لیکن پاکستان جنگ نہیں، امن کا خواہاں ہے۔
بھارتی سازش ناکام، پاکستان کیلئے آئی ایم ایف کی ایک ارب ڈالر قسط منظور
قوم کے اتحاد کیلئے حکومت اے پی سی بلائے: عثمان ڈار
بھارت کا بیانیہ جھوٹا، پہلگام واقعے کا کوئی ثبوت نہیں: ڈی جی آئی ایس پی آر
