بھارتی جارحیت کیخلاف پاکستان کا ہر شہری اپنی مسلح افواج کے ساتھ ہے، مریم اورنگزیب

پاکستان مسلم لیگ ن کی ترجمان مریم اورنگزیب نے کنٹرول لائن پر بھارت جارحیت کی شدید مذمت کی ہے،

باغی ٹی وی کی رپورٹ کے مطابق انہوں نے کہاکہ بھارت اس وقت بوکھلاہٹ اوربدحواسی کا شکار ہے، شہریوں پرکلسٹربم استعمال کرکےبھارت نےعالمی قوانین کی دھجیاں اڑائی ہیں، پاکستان کا ہر شہری اپنی مسلح افواج کے ساتھ کھڑا ہے،

مریم اورنگزیب نے کہا کہ زخمیوں کی جلدصحت یابی کی دعا کرتے ہیں،

واضح رہے کہ آج ڈی جی آئی ایس پی آر نے بھارت کو بے نقاب کیا تھا اور کہا تھا کہ بھارت نے لائن آف کنٹرول کے جنگ معاہدے کی خلاف ورزی کرتے ہوئے کلسٹر بم کا استعمال شروع کر دیا ہے جس سے ایک بچے سمیت دو شہری جاں بحق ہوئے ہیں ۔ڈی جی آئی ایس پی آر کا مزید کہنا تھا کہ بھارت بین الاقوامی قوانین کی خلاف ورزی کر رہا ہے

یہ بھی واضح رہے کی کشمیر میں بھارت سرکار نے گذشتہ ایک ہفتے میں 38 ہزار فوجی تعینات کئے ہیں ۔کشمیر میں آج بھی بھارتی فوج کی باوردی دہشت گردی کے نتیجے میں دو کشمیری شہید ہوئے ہیں

جواب چھوڑیں

آپ کا ای میل ایڈریس شائع نہیں کیا جائے گا.