بھارتی خلائی مشن کو فواد چوہدری نے خطرہ کیوں‌ قرار دیا

بھارتی خلائی مشن کو فواد چوہدری نے خطرہ کیوں‌ قرار دیا

تفصیلات کے مطابق وفاقی وزیر سائنس و ٹیکنالوجی فواد حسین چوہدری نے کہا ہے کہ بھارت کے غیر ذمہ دارانہ خلائی مشنز پورے ماحولیاتی نظام کے لیے خطرہ ہیں۔

وفاقی وزیر سائنس و ٹیکنالوجی فواد چوہدری نے بھارتی خلائی مشن کی بار بار ناکامی پر سماجی رابطے کی ویب سائٹ ٹوئٹر پر لکھا ہے کہ بھارت خلائی ملبے کا ایک بہت بڑا ذریعہ بن رہا ہے اور بھارت کے خلائی مشنز سے خلا میں ملبہ اکھٹا ہو رہا ہے۔

India is becoming a huge source of Space debris, irresponsible space missions of India are dangrous for whole eco system, needs serious notice by Int organizations

— Ch Fawad Hussain (@fawadchaudhry) December 3, 2019

انہوں نے خبردار کیا کہ بھارت کے غیر ذمہ دارانہ خلائی مشنز پورے ماحولیاتی نظام کے لیے خطرہ ہیں اور عالمی تنظمیوں کو اس بارے میں سنجیدہ نوٹس لینا چاہیے۔

امریکی خلائی ایجنسی ناسا نے چاند کے اس حصے کی تصویر بھی جاری کر دی جہاں وکرم لینڈر گرا تھا۔ تصویر میں گرنے کے بعد اس جگہ پر ہونے والے اثرات بھی دکھانے کی کوشش کی گئی ہے۔ ناسا کو بھارتی خلائی مشن کا ملبہ کریش سائٹ سے 750 میٹر دور سے 3 ٹکڑوں میں ملا.
واضح رہے کہ بھارت کو اس پہلے اپنے خلائی مشن میں بری طرح ناکامی ہوئی تھی، جس پر پورے ملک میں سوگ رہا تھا.