بھارتی پائلٹ ابھینندن ورتھمان کو ریٹائر کرنے کا فیصلہ

نئی دہلی: بھارتی پائلٹ ابھینندن ورتھمان کو جلد ہی ریٹائر کرنے کا فیصلہ کرلیا گیا-

باغی ٹی وی : بھارتی میڈیا کےمطابق مگ 21 کے 4 اسکوارڈنز میں سے نمبر 51 اسکواڈرن، ابھینندن رواں ماہ کے آخر میں ریٹائر ہوجائے گا جبکہ باقی تین مگ 21 سکواڈرن بھی زیادہ دیر تک فورس کا حصہ نہیں رہیں گے اور اِنہیں 2025 تک مرحلہ وار ریٹائرڈ کر دیا جائے گا۔

ایران میں زلزلے سے 5 افراد ہلاک اور 44 زخمی

ہندوستانی فضائیہ 30 ستمبر کو مگ 21 لڑاکا طیاروں کے اپنے چار باقی ماندہ اسکواڈرن میں سے ایک کو ریٹائر کرنے کی تیاری کر رہی ہے ایک اہلکار نے بتایا کہ بقیہ 3 مگ 21 سکواڈرن بھی 2025 تک آئی اے ایف کے ذریعے ریٹائر ہو جائیں گے۔

بھارتی فضائیہ کی جانب سے یہ فیصلہ سابق ونگ کمانڈر حالیہ گروپ کیپٹن 39 سالہ ابھینندن ورتھمان کے پاکستان کے ہاتھوں پکڑے جانے کے تین سال بعد سامنے آیا ہے۔

گزشتہ برس نومبر میں بھارتی گروپ کیپٹن ابھینندن ورتھمان کو بھارتی صدر رام ناتھ کوونڈ کی جانب سےویر چکراایوارڈ سے نوازا گیا تھا۔

ایرانی حکومت کی ویب سائٹس ہیک ہونے کا انکشاف

واضح رہے کہ 27 فروری 2019 کو پاکستان فضائیہ نے اپنی حدود میں ایک بھارتی طیارہ مار گرایا تھا اور طیارے میں موجود بھارتی پائلٹ نے چھلانگ لگا کر اپنی جان بچائی تھی تاہم پائلٹ کو پاکستان حدود میں گرتے ہی شہریوں نے اس کی خوب درگت بنائی تھی۔

پاک فوج نے ابھینندن کو شہریوں کے چنگل سے نکال کر ایک بار پھر اس کی جان بچائی تھی اور چائے پلا کر بھارت کے حوالے کر دیا تھا۔

تیز رفتار ٹرک نے سڑک کے کنارے سوئے ہوئے 4 افراد کو کچل دیا