بھینس چوری کا تنازعہ ، دو افراد کو گولیاں مار کر قتل کر دیا گیا

بھینس چوری کا تنازعہ ، دو افراد کو گولیاں مار کر قتل کر دیا گیا

باغی ٹی وی کی رپورٹ کے مطابق سندھ کے علاقے شکار پور میں بھینس چوری کے تنازع پر مسلح افارد نے دو افراد کو قتل کر دیا،

شکار پور کے علاقے گاؤں سلطان جتوئی میں ایک سال قبل بھینس چوری کا مقدمہ درج ہوا تھا جس کو لے کر پہلے بھی دو افراد قتل ہو چکے ہیں اب مزید دو افراد کو قتل کر دیا گیا ہے،

گاؤں سلطان کمالانی جتوئی میں غازی کمالانی جتوئی اور سلطان جمالانی جتوئی میں بھینس چوری کے معاملہ پرکشیدگی جاری ہے جس کی وجہ سے اہلیان علاقہ میں خوف و ہراس پایا جاتا ہے.

کمالانی برادری کے مسلح افراد گاؤں سلطان جمالانی پر حملہ کرکے محبوب اور داتا جمالانی کو قتل کرکے فائرنگ کرتے ہوئے فرار ہوگئے۔ واقعہ کی اطلاع ملتے ہی ناپر کوٹ تھانے کی پولیس نے لاشوں کو تحویل میں لے کر خانپور اسپتال منتقل کردیا۔ پوسٹ مارٹم کے بعد لاشیں ورثا کے حوالے کردی گئیں۔

پولیس کا کہنا ہے کہ واقعہ بھینس چوری کے پرانے تنازع کے باعث پیش آیا، پولیس کے مطابق ملزمان کو جلد گرفتار کر لیا جائے گا، علاقہ میں امن و امان کے قیام کے لئے پولیس گشت بڑھا دیا گیا ہے اور علاقے میں چوکی قائم کر دی گئی ہے.

جواب چھوڑیں

آپ کا ای میل ایڈریس شائع نہیں کیا جائے گا.