سرگودہا:تھانہ میں آنے والی خواتین کی سہولت کیلئے ضلع بھر کے تھانوں میں خواتین پولیس اہلکاران کو بطور نائب محرر تعینات کر دیا گیا

سرگودہا:پولیس کا احسن اقدام خواتین پولیس اہلکاران کی بطور نائب محر رتھانوں میں تعیناتی
سرگودہا:تھانہ میں آنے والی خواتین کی سہولت کیلئے ضلع بھر کے تھانوں میں خواتین پولیس اہلکاران کو بطور نائب محرر تعینات کر دیا گیا جس سے نہ صرف تھانہ میں آنے والی خواتین کو اپنے مسائل بیان کرنے میں آسانی ہوگی بلکہ اس سے پولیس کی ورکنگ میں بھی بہتری آئیگی ان کو تعینات کرنے سے پہلے خصوصی تربیت دی گئی۔ اس موقع پر خطاب کرتے ہوئے ڈی پی او سرگودھا عمارہ اطہر نے کہا کہ معاشرے کی ترقی میں خواتین کا بہت اہم کردار ہے محکمہ پولیس میں آنے والی خواتین پر ذمہ داری بڑھ جاتی ہے۔ مردوں کے شانہ بشانہ کام کرنے سے نہ صرف آپ کی صلاحیتوں میں اضافہ ہوگا بلکہ اس سے پولیس کی کارکردگی پر بھی مثبت اثر پڑے گا۔ آپ اپنے کام پر بھر پور توجہ دیں اور اپنی ڈیوٹی پوری دیانتداری سے سرانجام دیں۔