fbpx

کراچی سے ایک بڑی اوراچھی خبرآگئی

کراچی :کراچی سے ایک بڑی اوراچھی خبرآگئی ،اطلاعات کے مطابق کراچی سے علم کے پیاسوں کےلیے ایک اچھی خبرجاری کردی گئی ہے ، اس حوالے سے معلوم ہوا ہے کہ صوبائی وزیرجامعات وبورڈز محمداسماعیل راہو کا کہنا ہے کہ گیارہویں اوربارہویں جماعت کا رزلٹ جلدجاری کیا جائے گا اور جلد تمام بورڈزکے ملازمین کی تنخواہوں کا معاملہ بھی حل ہوجائےگا۔

تفصیلات کے مطابق صوبائی وزیرجامعات وبورڈزمحمداسماعیل راہو نے اپنے بیان میں کہا ہے کہ اس سال 2ارب روپےکی الوکیشن امتحانی بورڈز کیلئے رکھے ہیں جبکہ گزشتہ سال بورڈزکو ایک ارب 6کروڑروپےکی رقم رلیزکی تھی۔

اسماعیل راہو کا کہنا تھا کہ تمام بورڈزکو 50کروڑ دینےکی سمری محکمہ فنانس کو ارسال کردی ، باقی ڈیڑھ ارب روپےکی رقم بھی بہت جلدبورڈزکوجاری کر دی جائے گی۔

انھوں نے مزید کہا کہ تمام بورڈزکےملازمین کی تنخواہوں کامعاملہ جلدحل ہوجائےگا، ہم نہیں چاہتےکہ بورڈزمیں تنخواہوں کابحران رہےجلد مسئلہ حل ہوگا۔انٹر امتحانات کے نتائج کے حوالے سے وزیربورڈز کا کہنا تھا کہ گیارہویں اوربارہویں جماعت کارزلٹ جلدجاری کیا جائے گا۔