معاملہ”گرتی ہوئی دیوارکوایک دھکا اوردو” تک جاپہنچا:گلگت بلتستان انتخابات سے قبل مسلم لیگ ن کو ایک اوربڑا جھٹکا

لاہور : معاملہ”گرتی ہوئی دیوارکوایک دھکا اوردو” تک جاپہنچا:گلگت بلتستان انتخابات سے قبل مسلم لیگ ن کو بڑا جھٹکا،اطلاعات کے مطابق ہرآنے والا دن ن لیگ کے زوال اوراس کے وجود کےلیے خطرہ بن کرسامنے آرہاہے، بلوچستان میں ن لیگ کا صفایا ہونے کے ساتھ ساتھ کے پی اورپھر ملک کے دوسرے حصوں میں بھی یہی صورت حال درپیش ہے،

ادھرذرائع کے مطابق آج ن لیگ کو ایک اورجھٹکا لگ گیا ، مسلم لیگ ن کےسابق صوبائی وزیر میجر (ر) امین ساتھیوں سمیت پاکستان تحریک انصاف میں شامل ہوگئے ، چیف آرگنائزر سیف اللہ خان نیازی کا کہنا ہے کہ 15 نومبر گلگت بلتستان کے حوالے سے تاریخ ساز دن ہے۔

تفصیلات کے مطابق مریم نواز کی گلگت بلتستان میں موجودگی کے دوران مسلم لیگ ن کوبڑا جھٹکا لگا، ن لیگ کے سابق صوبائی وزیر میجر (ر) امین نے ساتھیوں سمیت پاکستان تحریک انصاف میں شمولیت اختیار کرلی۔

نون لیگ کے سابق رہنما سابق صوبائی وزیر میجر(ر) امین کو پی ٹی آئی کی نامزد اُمیدوار ایڈووکیٹ آمنہ انصاری کے حق میں دستبردار ہونے اور باقاعدہ پاکستان تحریک انصاف میں شامل ہونے پر خوش آمدید کہتے ہیں.#PTI #GilgitBaltistanWithPTI @AliAminKhanPTI pic.twitter.com/IdzVyzS7jX

— PTI DIKhan Official (@PTIDIKOfficial) November 10, 2020

ن لیگ کے سابق صوبائی وزیر میجر (ر) امین کی چیف آرگنائزر سیف اللہ خان نیازی سے خصوصی ملاقات ہوئی ، جس میں علی امین گنڈا پور اور تحریک انصاف کی امیدوار آمنہ انصاری بھی موجود تھے۔.

تحریک انصاف کی امیدوار آمنہ انصاری کی بھرپور حمایت کا بھی اعلان کردیا ،اس موقع پر میجر (ر) امین نے کہا کہ ساتھیوں سمیت تحریک انصاف میں شمولیت کا فیصلہ کیا ہے۔

پی ٹی آئی کے چیف آرگنائزر سیف اللہ خان نیازی کا کہنا تھا کہ کامیابیوں کا سلسلہ ہرحلقےہر شہر تک وسیع ہورہا ہے، 15 نومبر گلگت بلتستان کے حوالے سے تاریخ ساز دن ہے۔

سیف اللہ خان نیازی نے مزید کہا کہ گلگت کو محرومیاں دینےوالوں کا ووٹ سےاحتساب کیا جائے گا، شکست کے آثار نےشریفوں اور زرداریوں کی نیندیں اڑا دی ہیں۔