بجلی، گیس کی قیمت میں اضافہ کا نو ٹیفکیشن آئی ایم ایف کو بھجوایا جائے گا، مگر کیوں؟ اہم خبر

وزیر توانائی و پٹرولیم عمر ایوب خاں نے کہا ہے کہ تیل اور گیس سےبجلی بنانے کی منصوبوں پر انحصار کم کررہے ہیں، کراچی کےقریب سمندر سے گیس ذخائر تلاش کرنے کا منصوبہ بند کردیاگیا.

باغی ٹی وی کی رپورٹ کے مطابق 3 ہزار میگا واٹ کے ان منصوبوں کو تین فیز میں دوبارہ شروع کررہے ہیں. ن لیگ نے 3 ہزار میگاواٹ کے منصوبے الیکشن سے پہلے بند کردیے تھے، سمندر کی تہہ تک کھدائی کی گئی لیکن گیس ذخائر نہیں مل سکے، رینوایبل انرجی کےذریعے 2025 تک 10 ہزار میگاواٹ مزیدبجلی پیداوارکرینگے،.

انہوں نے کہاکہ آئی ایم ایف کیساتھ کوئی بھی ملک ڈیل میں جاتاہےتواسکو تمام فنانشل ڈاکومنٹ شیئرکرنا ہوتے ہیں. بجلی وگیس کی قیمت میں اضافہ کا نو ٹیفکیشن آئی ایم ایف کو بھجوائیں گے. بجلی وگیس کی قیمتوں کےاضافہ کاآئی ایم ایف کیساتھ معاہدے سےکوئی تعلق نہیں. جولائی سےگیس بلزمیں سبسڈی کا اندراج بھی ہوگا اوراضافی بلزکی وصول شدہ رقوم کی واپسی بھی شامل ہوگی، گزشتہ حکومت کی ناقص پالیسیوں سے گیس کی چوری 16 فیصد تک پہنچ گئی ہے.

جواب چھوڑیں

آپ کا ای میل ایڈریس شائع نہیں کیا جائے گا.